بكره العــــيد
... بكره العيد
وصديقتى مجروحه .. بتبكى .. واقف يتفرج .. مستغرب .. مش حاسس بالدم اللى على ايده
وصديقه مريضه بتصارع من سنين .. وقعت خوذتها وبتسقط درعها وبتسلم للى جاى من بعيد
وصديقه مستخبيه ورا صوره .. خايفه من إيه ومن مين
وصديقه مستنيه الفجر الجديد
وصديقه خايفه من بكره وحاطه بينها وبينه فاصل .. ولا بتسمح لايد تطبطب على إيدها
... بيقولوا بكره العيد
صديقى مهموم .. كل اللى بيحبهم واقفين إيديهم فى جنبهم .. وهو مش عارف يرضى مين ولا مين
وصديق وحيد .. بيروى كل القلوب وهو قلبه دبلان وراضى .. وده يرضى مين
... بيقولوا بكره العيد
وبلادنا ضايعه .. عيالها مرضانه .. شوارعها متشققه .. كرامتها متهانه
وواقعه فى بير عميييق
ومافيش حد بيمد إيد .. العيال تايهين والكبار مستخبيين ورا كروش تقيله
محدش قادر ينزل البير
وجيراننا كلهم متعورين .. بينزفوا والمستشفيات قافله ومضروبه ومحدش بيساعد حد
!!.. يمكن مستنيين العيد
والجيران التانيين بيتخانقوا مش فاضيين
... ده باينٌه بكره العيد
الجرح بيكبر والنزف بيزيد .. والاطفال فى كل حته بين مريض وشهيد
وأصوات محبوسه وإيدين متكتفه وأفواه محشوره ديناميت
حضن الام بقى شوك والأب مقهور خلف أسوار الحريه والسلام العادل
والأطفال تفرح فين ... واحنا داخلين على العيد
... بيقولوا بكره العيد
posted by حنيــــــن at
9:05 AM
12 Comments:
حنين
مش يمكن بكره يجى معاه امل جديد
مش يمكن لما يجى العيد يرسم بسمة على وش كل حزين
مش يمكن اللى يشوف فرحة العيد على وش طفل سعيد بلبس جديد يعرف ان لسه فى حاجة اسمها بسمة
مس يمكن لما قبلة على ايد ماما الجميلة وهى مغرقة الدنيا بحنانها تريح قلوب حزينة
زى ما العيد بكره جاى وفى ناس مش عارفة تفرح
نفس العيد هيجى على ناس عايزة تنسى وتفرح
لو نمنا والهم مالى جفونا هنصحى بيه تانى بس لو نمنا واحنا بنحلم بعيد كل يوم يمكن نصحى والعيد فعلا يجى
العيد مش يوم وبس العيد هو كل يوم حلو ممكن يمر علينا واحنا بصحتنا وسط اسرتنا مع كل اللى بنحبهم فى حياتنا
ربنا يخلى عيدك قريب
تحياتى
By
tota, at Saturday, October 21, 2006 12:26:00 PM
لاجل كل ما قلتي - بكرة العيد-
كان ممكن يبطل يجي ويتوه ومنعرفش نروح له لكنه لسه بيجي
وبيرسم فرحته على فستان طفلة بضفاير تفكرك ببنت صغيره تعرفيها محفورة جواكي
لسه بيجي مع صوت البمب والصواريخ والفلوس الجددية اللي بعد ما كانت بتلف في ايدنا بقت بتطلع من محفظتنا للاطفال
العيد بيجي بيسلم الفرح من جيل لجيل ومن ناس لناس
العيد اللي سره انه بيطلع من جوانا مش بيجي من بره ابدا
يلا مدوا اديكم طلعوا العيد من الجراب ونفضوا من عليه تراب السنين
By
كراكيب نـهـى مـحمود, at Saturday, October 21, 2006 1:18:00 PM
kol mb2ra 7aga gdida men 7gtek b3gab b2slobek aktar wba7sasek 2l gmil wel r2i2 .... bas leeh mib2ash fe 2mal lbokra 7ta law fe hmoom wmashakel wmta3eb
dina
By
Anonymous, at Saturday, October 21, 2006 11:07:00 PM
tota
اولا اهلا بيكى وكل سنه وانتى طيبه
يا توته كلامك جميل طبعا بس الفكره انى واحده من الناس مش بتقدر تحس بالسعاده وحواليها ناس حزينه ومصابه كده
انتى قلتى كلمه جميله اوى
العيد هو كل يوم حلو ممكن يمر علينا واحنا بصحتنا وسط اسرتنا مع كل اللى بنحبهم فى حياتنا
وده اللى كنت بحاول اقوله فى البوست
لما يكون كل اللى بنحبهم متالمين لاسباب مختلفه
ياترى هانقدر نفرح ؟
هانحسها من قلبنا ؟
انا لما بحس بمشكله عند جارى بتألم لحد ما الامور تتحل عنده او انى اقدر اساعده بحاجه
فمابالك اقرب الناس
فهمتينى يا توته ؟
تعرفى انى بحب اسمك ده اوى
:)
وحاولت ادخل مدونتك بس ماعرفتش خالص
ياريت تشوفى لو فيه مشكله او حاجه
واتمنى تتكرر الزياره
:)
كراكيب
حبيبتى الغاليه
طبعا هايفضل ييجى العيد كل عيد
ويلاقينا مستنيينه وبنتمنى الفرحه اللى بتهل علينا بوجوده
انا مديت ايدى فى الجراب بتاعى وجبت انسيال جميل جدا لبنت اخويا وفرحت بيه اوى رغم شهورها العشره
:))
مش عارفه البنت دى طالعه لمين
اد ايه فرحتها واستكشافها للحاجه الجديده اللى فى ايدها حسستنى ببهجة العيد
dina
حبيبتى الجميله الصغيره اللى لازم اصدق انها كبرت
:)))
شوفى يا دندونه طبعا فيه امل فى بكره
وانا بجد مش متشائمه ابدا بالعكس
دايما عندى يقين اننا نقدر نغير كتير حوالينا
حتى حياتنا احنا اللى بنتحكم فيها وفى سعادتنا
بس زى ما قلت لتوته
انا كنت بتكلم عن احساسى بالعيد اللى نفسى افرح بيه بس مش عارفه
عارفه زى ايه
تقدرى مثلا تبقى فرحانه بالعيد - حتى وانتى لابسه فستان جديد والعيديه فى ايدك - لو لا قدر الله عندك الم فى اسنانك !!!!!؟
مش هاتستمتعى مش كده ؟
وانا اصحابى واهلى وبلدى غاليين عليا اوى
ربنا يسعدهم ويسعد الكل علشان اعرف افرح بالعيد معاكم
:)
ويا ستى ابقى اعملى حسابى معاكى فى كيس البمب بتاعك
كل سنه وانتوا طيبين جميعا
By
حنيــــــن, at Sunday, October 22, 2006 12:20:00 AM
هختصر احساسى بجمله
برغم كل الألم لابد من ذرة أمل
تحياتي
By
Anonymous, at Sunday, October 22, 2006 10:13:00 AM
عحبنى السحبة اللى سحبتيهالنا
من مشاعرك الخاصة بأصدقائك
لمشاعرك ناحية المرضى و اهل بلدك وشعورك باللى حواليكى
عجبنى علامات الاستفهام عند كل حد من اصدقاءك .. لكل واحد ليهم زرار عندك انت بس
جميل ده والله
الصورة مميزة جداً
عجبنى انها مرسومة وبالرغم من كده
لمعة العين والدموع فيها لمعه حلوة اوى
تحياتى للبوست
By
شيمـــــاء, at Sunday, October 22, 2006 2:57:00 PM
معلش برضه مشيها بكرة العيد.. ربما الى حين.. الى العيد الأكبر، الاصدق
تحياتى يا اجمل حنين
By
بعدك على بالى, at Sunday, October 22, 2006 10:13:00 PM
nirfana
مش ذره واحده يا نيرفانا ده جبل أمل وأمانى بكل السعاده والفرح لكل الدنيا مش بس اصدقائى
ياريتنى أملك عصا سحريه أرسم بيها البسمه على شفاه كل حزين
مش هاقول تانى انى مش متشائمه بس نفسى كل الدنيا تبقى سعيده علشان أعرف أسعد بيهم
تحياتى
:)
حبيبتى شيماء
مبسوطه اوى انك إتسحبتى معايا
:)
كل واحد منكم ليه فى قلبى حجره كامله مش بس زرار
ربنا يسعدكم دايما
الغاليه بعدك على بالى
شوفى بقى " أجمل " دى بتاعتى انا
فلو سمحتى من أولها مش هاناخد مفردات بعض
:))
يارب ييجى بسرعه العيد الاكبر الاصدق وتبقى ايامنا جميله دايما بوجودنا مع بعض .. وتمطر سماءنا كل الرضا والسعاده علينا
أسعدتينى جداااااا يا " أجمل " بعدك على بالى
:))
By
حنيــــــن, at Monday, October 23, 2006 12:48:00 AM
قبل اى شئ يا حنين , انا فرحان جدا لأن لسه فى الدنيا ناس بتحس زيك كده, ومشاعرك بجد جميله ومرهفه , وعايز اقولك طول ما انتى كده وفى ناس زيك كده , هيكون بكره العيد وهنحس بيه ويبقى فى فى كل يوم عيد
By
rokaaa, at Monday, October 23, 2006 1:31:00 AM
well that hurt
but its all cuze of the lack of morales
قلبه دبلان وراضى .. وده يرضى مين
really affected me
thank u for giving me the chance to read ur words
but plz..dont gave up
try to wish ..happy eid for urself & for the ppl
the ppl u love & the ppl u dont brdo...rbna ysl7 7al elgame3
By
Diyaa', at Monday, October 23, 2006 4:45:00 PM
كل سنة وانت طيبه وربنا يعيد عليكى الايام بخير
By
بعدك على بالى, at Monday, October 23, 2006 6:53:00 PM
rokaaa
كل سنه وانت طيب
يا صاحب المشاعر النقيه الجميله
انا مستنيه بقية الحكايه
:)
diyaa'
أسعدتنى زيارتك وتعليقك الجميل
شكرا لك انت على الامنيات الجميله
بتمنى لك عيد سعيد بكل الفرحه
:)
كل سنه وانتم طيبين جميعا
By
حنيــــــن, at Monday, October 23, 2006 10:08:00 PM
Post a Comment
<< Home