أغداً ألقاك

هذه الدنيا كتاب أنت فيه الفكر
هذه الدنيا ليالِ أنت فيها العمر
هذه الدنيا عيونٌ أنت فيها البصر
هذه الدنيا سماءٌ أنت فيها القمر

من رائعة أم كلثوم أغدا ألقاك

سمعتها منذ قليل ... وحركت بى مشاعر جميله

بعيده

مشاعر اختفت خلف حطام نغمات مشتته

وأحداث سريعه متلاحقه

تحاصرنا كل الوقت

كم نفتقد لكل ما هو هادئ وناعم

كل ما يعيد لنا هدوء نفسنا وصفاء روحنا

المرهقة كل الوقت

عندما نغلق باباً

لحظة أن نطوى صفحة ... نكون قد فتحنا " بالفعل " صفحة أخرى

عندما ننهى علاقه فاننا " فى الحقيقه " نكون قد استعدينا لبداية جديده

النهايات دوما تسبق البدايات
والبدايات أيضا تلحق بها
هكذا نحيا
فلماذا نجزع ولما نفرح

حبة القلب

الفيش ... سمكتها الجميله
البوبى ... الكلب
البمبو ... البمبون
توتته ... تورتة عيد ميلادها
كُله كُله ... لما بتخلص أكلها

سنة كامله مرت على عامها الاول
وأتمت سنتان
شمعتان أضأناهم وأطفأتهم
مازالت تحتل كل مساحات الحب فى القلب

ضحكتها تبدد كل غيوم الهم

كلماتها القليله المتعثره أصبحت لغتنا الجديده
عجلتها الصغيره وعربتها بألحانها الصاخبه
أذوب معها حبا
أسنانها البيضاء
عضتها الجامده
أحبها كما لم أمارس الحب من قبل
ومازلت أحبنى لانى أحبها
ولا أعلم كيف كانت ستبدو الدنيا ان لم تنيرها بقدومها

لم أتوقف عن حملى لها طوال اليوم
دوما ما كنت أرى أن الحضن الدافئ هو أمتع احساس للحب
ولا أدرى ان كنت أحتضنها أم أخفيها فى قلبى

كبرت حبيبتى
ابنة أخى
ومازالت تلك اللمعة فى عينيها
بريق يجمع بين الذكاء والشقاوه
أتمنى أن أراها أسعد الناس

فرحة القلب

نظرات شارده

النبضات الأخيره هى ما كانت تحملها جنباته
قبل أن يهمس بآخر الكلمات
لفظها وغادر عالمنا الى حيث لن يعد
خمس سنوات مرت على رحيله
كأنه الامس
مازلت أنتظره كلما حدث جديد
لحظة وضع أخى يده فى يده
تمنيتها يده
.
.
.
أبى


مرت شهور طويله
ومازلت أردد نفس الكلمات
ومازالت تتمسك بما تراه حبا له
تنتظره
رغم كل ما يفعل معها
أتعجب لحالنا
عندما ينبض القلب
وان كان تحت جهاز التنفس الصناعى
يهمس كياننا كله باسم المحبوب
وحبه
رغم ذلك مازلت أردد لها بعض الكلمات
علها تصحو من غيبوبتها
.
.
.
صديقتى


افتقدتها
كما أفتقد ابنتى التى لم أنجبها بعد
أتسلل كل مساء
ألقى عليها نظرة حب لمن تحمل نبضات قلبى
أطمئن الى وجودها داخل أسوار عالمى
وأتسلل وأمضى
.
.
.
مدونتى


ثمان سنوات هى عمر جيرتنا
وامتدت بعدها لخمس سنوات
لنتم أعوام صداقتنا العديده
خيوط من حرير ربطتنا سويا
كنا فى جيرتنا نمضى معا معظم الوقت
نفترق لنتلقى فى الغد
بحكايات جديده
وحوارات فضفضة القلب المعبى
وأصابها المرض الخبيث
لتحاربه خمس سنوات كامله
وتنتهى المعركه
لصالحه

كما يفعل معى دوما

ويسلبنى أغلى الناس
.
.
.
صديقتى الحبيبه


أحبها
وأتعذب لحالنا وحالها
أتابع انهيارنا برعب صامت
ولست أدرى ماذا أفعل
لم يعد يجدى أى حوارات
أو تدخلات
ولا أعلم الى أين سننتهى
.
.
.
بلدنا



عدت بعد غياب طويل
لأجد ولا أجد الكثير
أفتقد كل من صادفت وحاكيت
ومازالت خطواتى تتعثر
وقلمى يرتجف بين اصابعى المهتزه
بداخلى طوفان من المشاعر
يريد ان يندفع بشده
ولا أدرى لماذا يقابله سور عالى
لا يسمح الا بمرور سرسوب ضعيف
.
.
.

الضحك شكل البكا خالص

تلامذه وفصول ومدارس

يا مانجه ليه طارحه فى مارس

.

.

.

وجيه عزيز

هى فوضى

إقرار

سؤال

؟

أقره وأجاب عليه يوسف شاهين

وانتهى بخروج مجموعات كبيره من الغاضبين المقهورين مسلوبى الكرامه منتَهَكى الادميه
خرجوا فى تلاحم شديد الغضب لمحاصرة الفساد المتمثل فى حاتم
"خالد صالح"

"الناس"

هى اللى حاصرته وأحكمت قبضتها عليه
وما أفلتتهوش رغم طلقات رصاص الشرطه
لان الفساد والطغيان بلغ منتهاه

المتمثل فى الرمز

أمين شرطه

اللى ايده طايله الخلق كلهم

صحيح الصحوه دى تأخرت كتير

وكان ثمنها غالى أوى

بس أشد لحظات السواد هى اللى بتسبق بزوغ الضوء

والفكره مش فى حاتم
مش هو الفساد الوحيد فى الجهاز ده
ولا ده الجهاز الوحيد اللى ريحته طالعه

خرجت من الفيلم بلهث
مكتئبه أكتر منى غاضبه

موجوعه أكتر منى حزينه

ومابقاش ينفع نقول انه حاتم الضحيه
رغم انه ضحيه
بس خلاص آن أوان تطهير المصارف

العديد من المشاهد تحسب لشاهين
أداء رائع لكل الادوار
ليس خالد صالح فقط
حتى الممثلين اللى طلعوا فى لقطتين كانوا بيظهروا تفاصيل اللوحه اللى رسمها
بعبقريه يوسف شاهين

هى فوضى
غضب
عنف
كبت
قهر
ظلم
استبداد
جبروت
بلطجه
فيلم عدى من الداخليه

والرقابه

!!!

سأعيد مشاهدته
أكيد
رغم الغضب الذى اعترانى بشده
وصعوبة تنفسى فى مشاهد عديده
رغم حالة الحزن التى انتابتنى لمدة ثلاثة أيام
حتى تمكنت من كتابة هذه السطور

الملك ... والكتابه

من يملك العملةَ يُمسكُ بالوجهين

! والفقراءُ بَينَ بَين

الورقة الثانية

من أوراق أبو نواس

للشاعر أمل دنقل

!!! ... وقلة حيلتى

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

بيقولوا عماد الكبير خد حقه ... وكلام كبير
ومش شايفه غير صياح وعويل
انتصار ايه وخيبة ايه
وهما 3 سنين حبس ... وبيقولوا مافيش عزل

وده حكم يعمل ايه ولا يداوى ايه

"الجزاء من جنس العمل"

تفتكروا لو كان الحكم ان عماد
يعمل من جنس العمل اللى اتعمل له
فى الظابط اللى عمل له
ويتشهر زيه

وتبقى له سيديهات فى كل مكان
ويتفضح كده زيه
مش كان يبقى الحكم أعدل وأحكم؟

تفتكروا كان هايطلع بكره اسلام تانى ؟
ولا هانلاقى عماد مكسور فى يوم ؟
ولا هايبقى فيه ظالم ولا مظلوم ؟

هما البنى آدمين راحوا فين
سابوا الدنيا للحيوانات ليه
وآل بيقولوا الوحوش بنتقرض خلاص
اومال اللى حوالينا دول يبقوا ايه
!!!