حنيـــــــــن

Monday, October 30, 2006

تعويذه




الى من أمضى معى عمراً دون أن نتقابل

... شاركنى فيه كل الاشياء

وقعت عينانا على ذات الاشياء دون أن تتلاقى

... وربما تلاقت دون أن ندرى

الى من مزج الحقيقة والسراب

... فامتزجت ملامحنا وأرواحنا

الى من أبحر طويلا حتى عبر الماضى

... وأراه آت من بعيد

الى من كانت يده مقابلة ليدى

شعرت بها دوماً

ولم أرها يوماً

رغم أنه مجرد لوح زجاجى من كان يفصلنا
... الى حلمى الجميل الذى لم يكتمل بعد

تحديث *

نظرا للصعوبة التى قابلت العديد فى تحميل الاغنيه
فقد قمت بتحميلها على البلوج
وبالداخل كلمات الاغنيه
أتمنى تستمتعوا بها
تحياتى

25 Comments:

  • لسماع الاغنية والتى هى أصل الاهداء
    اضغط على "بعد سنين" أو
    "تعويذه"

    By Blogger حنيــــــن, at Monday, October 30, 2006 4:53:00 PM  

  • حلوة قوي ياحنين وهي فعلا حنين لحلم مضي
    وربما يتكرر

    By Blogger باسم شرف, at Monday, October 30, 2006 5:02:00 PM  

  • حلوة قوي ياحنين وهي فعلا حنين لحلم مضي
    وربما يتكرر

    By Blogger باسم شرف, at Monday, October 30, 2006 5:02:00 PM  

  • باسم

    انت عرفت تحمل الاغنيه ؟
    اصلى بجربها وشايفه الموقع واقع

    اهلا بيك وسعدت بزيارتك

    By Blogger حنيــــــن, at Monday, October 30, 2006 5:10:00 PM  

  • قد ايه بوست رقيق غرقان مشاعر
    اغنيه وورد وكلام في رقه الندى
    احمدك يا رب

    By Blogger كراكيب نـهـى مـحمود, at Monday, October 30, 2006 6:40:00 PM  

  • كراكيب

    دى مش مغارة على بابا
    :)))

    عجبتك الورده ؟

    مبسوطه اوى من رايك فى البوست اللى قلتيه فى التليفون طبعا
    :)

    By Blogger حنيــــــن, at Tuesday, October 31, 2006 1:19:00 AM  

  • منمنمات من الرقة والحنين والشجن و كل ماهو ناعم ورقيق وحنون.. و
    عناصر مختلفة تتداخل وتتشابك، تختلط وتتلاحم لينتج عنها فى النهايةكائن جميل
    لا يمكن الا ان تتنهد امامه وانت تبتسم فى ود واطمئنان...

    ده احساسى باللى قريته وبدون ادنى مجاملة..

    فعلا شجن
    احييك

    By Blogger بعدك على بالى, at Tuesday, October 31, 2006 1:25:00 AM  

  • اللى قريتيه بس ؟

    الموضوع اساسا هو الاغنيه
    ومصاحب ليها اهداء

    الاغنيه اللى يبدو بتقابل مشكله فى التحميل

    هاستمر فى محاولات اصلاح العطل
    اتمنى تسمعيها متأكده انها هاتعجبك

    :)

    By Blogger حنيــــــن, at Tuesday, October 31, 2006 1:41:00 AM  

  • نجحت فى الاستماع للموسيقى الرائعة ولكننى اعيد واكرر ان انفعالى بالنص اقوى ، رغم جمال الموسيقى والتى تكمل الشجن ، تستنطقه ...

    منمنماتك نصا منقصلا لا يحتاج ما يكمله
    مدون مجامله..
    لذا لزم التنويه

    By Blogger بعدك على بالى, at Tuesday, October 31, 2006 8:47:00 AM  

  • على فكرة الجزء الاول من الموسيقى اجمل، متواءم اكتر معك ومع ما تخطه يداك من شجن ..

    تحياتى

    By Blogger بعدك على بالى, at Tuesday, October 31, 2006 8:50:00 AM  

  • الجميله بعدك على بالى

    مش عارفه ليه حاسه انك بتتكلمى على الموسيقى الرئيسيه اللى بتشتغل مع المدونه

    لان اللى مع البوست دى اغنيه .. وناس كتيره مش عارفه تفتحها

    هى فعلا فيها مشكله بس ان شاء الله ها تتظبط خلاص

    لو كان كده حاولى تسمعيها هاتحبيها انا متاكده
    :)

    انا سعيده ان النص لمسك وحستيه كده

    بتسعدنى كلماتك اوى

    اجمل تحيه

    By Blogger حنيــــــن, at Tuesday, October 31, 2006 1:16:00 PM  

  • جميل قوى احساسك الرائع يا حنين

    لا تقلقى سوف يجى يوما بأذن الله وتتلاقى القلوب البعيدة وتعرفين من كنتى تحبى من سنين

    ما اجمل الاحساس الصادق عندما يكتب القلب

    By Blogger Ahmed yossif, at Tuesday, October 31, 2006 1:25:00 PM  

  • تذكري كلماتي التي لم أتفوه بها
    تذكري ورودي التي لم أهديها لك
    تذكري همساتي التي لم أهمسها
    ولا تتذكري نظراتي التي استرقتها وندمت عليها
    ........................
    كلامك جميل بجد

    By Blogger إنسان || Human, at Tuesday, October 31, 2006 4:48:00 PM  

  • لسه فاكرنى .. يا ترى مبسوط ولا حزين
    فاكر لسه شقاوتى وضعفى وحزنى وفرحى
    لسه ملامحى بتيجى فى بالك
    وبقيت اي هبالنسبة لك
    ------------------------------
    احلى كوبيليه فى الاغنية ؟؟
    المفروض ده يتسأل للناس اللى احنا عايشين معاهم
    مش كل اللى مع بعض بيبقوا فاكرين الحاجات دى حتى لو شايفين بعض كل يوم
    زوج و زوجه ... حبيب وحبيبة
    كده يعنى

    وفيه ناس من غير ما تشوف بعض بتبقى شايفة ده كله

    حلو الاهداء اوى وكلماته معبرة
    حساس ورقيق

    والصورة فى منتهى الرقة

    بوست فى غاية الابداع و الرقة
    تحياتى

    By Blogger شيمـــــاء, at Tuesday, October 31, 2006 11:30:00 PM  

  • اهداء جميل ونفسي اسمع الاغنية

    By Blogger frozen love, at Tuesday, October 31, 2006 11:58:00 PM  

  • ahmed yossif

    انا مش قلقانه خالص
    اطمن عليا
    :)
    اهلا بيك فى اول زياره
    نورتنى

    human

    انا حاسه ان الكلمات الرقيقه دى كلماتك
    صح ؟

    كلام مين اللى جميل دلوقتى ؟
    :)


    shaimaa

    وفيه ناس من غير ما تشوف بعض بتبقى شايفة ده كله

    هى دى الحاله اللى كنت بتكلم عنها
    :)

    انا بصراحه متحيزه جدا للاغنيه
    وشايفه كل كلمه فيها حكايه

    وعجبنى " كالعاده " استمتاعك بالجزء ده

    بس اخدتى بالك من

    نفسى حقيقى اقابلك مره بعد سنين
    وأشوف انا فين وانت بقيت فين

    مالهاش حل

    نورتينى

    frozen love

    اهلا باول زياره
    :)

    انا لسه كنت بفكر انى اكتب كلمات الاغنيه
    او اقتراح شيماء انى اخلى الاغنيه تفتع مع البلوج نفسه بدل الموسيقى الحاليه

    ولو ان الاغنيه بقت بتتحمل دلوقتى

    هاتصرف اكيد
    اهلا بيك تانى

    By Blogger حنيــــــن, at Wednesday, November 01, 2006 2:20:00 AM  

  • كلمات التعويذه

    نفسى حقيقى أقابلك مره بعد سنين .. وأشووف أنا فين وانت بقيت فين

    لسه فاكرنى ؟

    يا ترى مبسوط ولا حزين

    لسه فاكرنى ؟

    فاكر لسه شقاوتى وضعفى وحزنى وفرحى

    لسه فاكرنى ؟

    لسه ملامحى بتيجى فى بالك .. وبقيت ايه بالنسبه لك

    حلم وغاب ولا حقيقه لقيتها سراب .. ولا مجرد كلمه قريتها يوم فى كتاب

    بتمنالك كل الخير انا بتمنالك

    أنا نفسى فى مره حقيقى اقابلك مره .. مره بعد سنين

    بعد سنين

    By Blogger حنيــــــن, at Wednesday, November 01, 2006 12:10:00 PM  

  • نفسى حقيقى اقابلك مره بعد سنين
    وأشوف انا فين وانت بقيت فين
    -----------------------------
    الجزء اللى عجبك ده فكرنى بمزيكا واغنية انا بحبها اوى
    اللقاء الثانى -لعلى الحجار وحنان ماضى وتلحين عمر خيريت
    تقريبا نفس الفكرة

    هى الاغنية كلها حلوة

    بس اكتر حاجة بتبينك فيها الجملة دى
    ---------------------
    بتمنالك كل الخير انا بتمنالك
    ---------------------
    وانا كمان بتمنالك الخير ان شاء الله

    بس هو مين اللى بيغنيها؟

    By Blogger شيمـــــاء, at Wednesday, November 01, 2006 1:01:00 PM  

  • اه يا شيماء
    بتمسى قلبى لما بتمسى احساسى

    بتمنالك كل الخير انا بتمنالك

    مش هاعرف اتكلم عنها

    :)

    اللى بيغنيها فريق اسمه الحب والسلام

    هما كانوا زمان أيام فرقة المصريين والاصدقاء والجيتس لو تعرفيهم

    واختفوا سنيييين

    ورجعوا بعد سنين بالاغنيه دى وبتوزيع جديد للاغانى الجميله القديمه بتاعتهم

    وكانوا فى الساقيه من اكتر من شهر
    كانت حفله بسيطه
    هابعتلك باقى الاغانى

    :)

    By Blogger حنيــــــن, at Wednesday, November 01, 2006 1:32:00 PM  

  • http://www.savefile.com/
    use this site

    By Blogger adhm, at Wednesday, November 01, 2006 4:16:00 PM  

  • مش عارف ليه استدعيت الشتا فورا .. مقصدش الشتا بالمعتى الكلاسيكي المرتبط بالشجن و الوحدة
    أقصد ريحة مطر السما أول ما ينزل على تراب الأرض..بيخلق مزيج غريب
    بوست حلو جدا
    نثر متأمل
    مخلوط بعالم شعري
    و في انتظار مدونتك الجديدة

    By Blogger طارق إمام, at Wednesday, November 01, 2006 5:35:00 PM  

  • adhm

    متشكره اوى على الزياره والخدمات
    هاشوفه

    واهلا بيك طبعا
    :)


    طارق إمام

    عرفت الشتا بكلمات بسيطه اوى

    ريحة مطر السما أول ما ينزل على تراب الأرض..بيخلق مزيج غريب

    هو ده الشتا
    كل شتا وانت طيب

    تحياتى

    By Blogger حنيــــــن, at Wednesday, November 01, 2006 6:21:00 PM  

  • كلمات جميله جميله كتير
    واحساس عالي ورقيق

    شكرا علي مشاركتنا بيها

    تحياتي لك

    By Blogger 3lool, at Saturday, November 04, 2006 5:53:00 PM  

  • 3lool

    اهلا بيك
    وسعيده ان الكلام عجبتك

    By Blogger حنيــــــن, at Saturday, November 04, 2006 9:30:00 PM  

  • حنين أنت تؤكدين شيئا أؤمن به وهو: أن قوة المرأة تكمن فى رقتها

    By Blogger maged stephen, at Monday, November 06, 2006 8:24:00 PM  

Post a Comment

<< Home