حنيـــــــــن

Friday, January 19, 2007

ذلك الرجل ... الرجل


عندما يرغب اثنان فى الارتباط الأبدى بذلك الخيط الحريرى الذى لا ينفصل أبدا
" أو هكذا أرجو "

نبدأ بقراءة الفاتحه

وهكذا تمت قراءة الفاتحه فى بيتنا أمس الخميس
كنت أنا العروس
وكان هو العريس

يسعدنا أن نطلب يد ابنتكم لابننا ونتمنى أن نقرأ الفاتحه ليبارك الله لنا هذا الارتباط

لعلها كانت تلك هى الكلمات اللى سبقت قراءة الفاتحه فى منزلنا

كنت مرتبكه جدا لدرجه لم تمكننى من استيعاب ما يدور حولى
ولكنى أتذكر جيدا أننى قرأتها معهم



ذلك الرجل الذى فاجأنى من حيث لا أدرى
واختصر فى أيام قليله مسافات طويله
اقترب منى ولمس قلبى كما لم يحدث لى من قبل

ذلك الرجل الذى اهتم بى وبمشاعرى واحترم حتى تفاهاتى
أو التى قد يظنها البعض كذلك

ذلك الرجل الذى حرص على أن يصحبنى لزيارة أبى قبل أى شيئ
لعلمه كم يعنى لى ذلك
ولم أشعر للحظه أنه يؤدى واجبا ثقيلا مجبر عليه

ذلك الرجل الذى أتمنى من الله أن أسعده وأن أحيا معه حياة صافيه من أى منغصات

ذلك الرجل الذى ملأ حياتى بالزهور
وأنار إصبعى بخاتم جميل
وأسعد أيامى بابتسامته الجميله المشرقة دوما

ذلك الرجل الذى نقشت محبته على قلوب كل ما رأوه من عائلتى الكبيره
فرح به الجميع وأجمعوا على محبته منذ اللحظة الاولى

ذلك الرجل الذى لم يبخل على بمشاعره
منحنى كل الوقت والاهتمام والحب
رغم مشاغله العديده
وأشعرنى أننى أميرته الجميله
فكان هو أمير أحلامى الذى انتظرته طويلا

ذلك الرجل الذى أمسك يدى وعبر بى بوابة الاحلام
التى كدت أتيقن انها أحلام حتى أتى هو
وبلمسة ساحره أضاء أيامى بضوء الشموع الخافت الذى يسحرنى دوما




أردت أن تشاركونى فرحتى الكبيره بالرجل الذى طرق بابى
وطلب أن أشاركه حياته وكل ما هو آت
والذى أرجو وأتمنى أن يكون سعيدا دوما

وأخيرا يسعدنى أن أهديه أغنيتة المفضله

تحديث *

كالعاده الجميله شيماء أضافت لمسه من لمساتها الرقيقه علي
بأن أرسلت لى الاغنيه كامله بدون تدخل نجوم إف إم
أترككم للاستمتاع بها مع كل الشكر للجميله شيماء


62 Comments:

  • بعيون مليئة بدموع الفرحة
    اتخيلك فى ثوب جميل بجوار ذلك الرجل
    الذى خطفك منا

    بقلب مبتهج متراقص
    اقولك لك
    تحققت لحظة فرحنا المنتظرة جميعا


    بكل ما املك من مشاعر
    بحبك يا عروسة
    بحبك وحشتينى

    مكنتش فاكرة انى هعيط كده من الفرحة

    By Blogger شيمـــــاء, at Friday, January 19, 2007 2:15:00 AM  

  • الف مبروك للاخت حنين
    فرحتلك جدا وربنا يسعدك ويبعد عنك حسد الحاسدين
    اذا تكلمنا عن ذاك الرجل الرجل فارجوا ان تقبلي مني هذه الابيات

    *كيف يكون الرجل رجلا ..بدون حب يحتويه
    *كيف يكون الرجل رجلا..بدون فلب يحميه
    *كيف يكون الرجل رجلا ..بدون عطف يشجيه
    *كيف يكون الرجل رجلا..بدون ايتسامه ترويه
    *كيف يكون الرجل رجلا..بدون انسانه تجعله انسان
    *كيف يكون الرجل رجلا..بدون حنان يجعله حننان
    *كيف يكون الرجل رجلا..بدون عشق يجعله ولهان
    *واخيرا كيف لا يكون هو رجلا وانتي فيض من الحنين والحنان

    By Blogger HAPPY, at Friday, January 19, 2007 7:31:00 AM  

  • kudo_kenshin

    شكرا لمرورك واهتمامك بمشاركتى المعلومات القيمه اوعدك هاتصفحها

    تحياتى

    By Blogger حنيــــــن, at Friday, January 19, 2007 8:50:00 AM  

  • shaimaa غاليتى

    لم استطع النوم حتى ارسلت لك رساله قصيره اخبرك بها ان الامور سارت بشكل جميل :)

    ابكتنى رسالتك بالامس كما أبكانى ردك الذى شعرت به ينبض بكل الحب فغمرتنى مشاعرك الجميله

    لم تفاجئنى دموع فرحتك بى فقد كنت أعلم دوما أن خلف تلك الجدعنه قلب عصفور رقيق يطل دوما وهو يحنو علينا بكل الحب

    أنا اللى مش عارفه امسك دموعى

    بحبك أوى
    وبحب صحبتنا الجميله
    والله يسامح اللى كان السبب وطير حفلة عمر خيرت النهارده
    :)))

    كانت هاتبقى مناسبه جميله اوى نتجمع ومعانا رجل جديد فى اسرتنا الجميله متأكده انكم هاتحبوه زى ما كل الناس حبته

    ربنا ما يحرمنيش منك ومن حبك ومشاعرك ابدا

    By Blogger حنيــــــن, at Friday, January 19, 2007 8:58:00 AM  

  • happy

    الله يبارك فيك
    ومتشكره على مشاعرك الرقيقه وأمنياتك الجميله

    دمعت عيناى وتأثرت بكلماتك ولمستنى تماما خاصة وهى من
    "رجل"

    أعلم دوما أن كلمات الرجل القليله هى نبض مشاعر جميله لابد وأن نمنحها كل التقدير
    عندما تصدر من رجل

    أتمنى أن أكون له كما رأيتنى أنت
    فيض من الحنين والحنان
    وكل ما سبق

    تحياتى
    وأتمنى ألا تمل واحتى أبدا

    By Blogger حنيــــــن, at Friday, January 19, 2007 9:10:00 AM  

  • فرحة ..... فرحة ..... فرحة .....
    يااااااااااااااااااااااااااااه
    ملاكناااااااا الجميل
    تشعل قلوبنااااا سعادة وبهجة وفرحة
    الفرحة لملاك مساعدة ليها طعم تانى خاااااالص
    الله عليكى تسلم ايديكى
    ويسلم الراجل اللى قدر يلمسك ويخطفك
    ربنا يبارك فيكوا ويكرمكوااااا ويرزقكوااااااا

    By Blogger Viva, at Friday, January 19, 2007 1:37:00 PM  

  • فى أول تعليق ماكنتش سمعت ايه الاغنية المفضلة بتاعته ؟
    دلوقتى والسماعة على ودنى باسمعها
    اقدر اقول
    الراجل ده .... رااااااااااااااجل يستاهل انسانةرائعة زيك

    By Blogger Viva, at Friday, January 19, 2007 1:40:00 PM  

  • congratulation

    يا ستى كنتى تغيرى الحمام من زمان

    انا كمان هاغير الحمام بتاعى

    والسلام

    By Blogger cast2way, at Friday, January 19, 2007 2:21:00 PM  

  • يا حلاوة كرم ربنا
    ربنا يسعدك يا حنين
    ويجعل كل دعواتنا الحلوة من نصيبك
    إمبارح أنا ةفيفا كنا مع بعض في العربية
    لما كان العريس عندكم
    كلمناكي نطمن ما رديتيش
    قلنا أكيد مشغولة
    دعينا ربنا يكون إنسان جميل زيك
    يستاهلك وتستاهليه
    ويسعدكم مع بعض وببعض وبذرية جميلة زيكم
    فتحت راديو العربية
    لقيت غنوة يا نجف بنور يا سيد العرسان
    فيفا ضحك بفرحة شديدة
    وقاللي ده فال جميل أوي
    بجد مش عارف أوصف مشاعري ومقدار فرحتي الشديدة
    يمكن لما كلمت ماما تكون حست بالفرحة إلي أنا فيها
    على رأي فيفا
    الفرحة بيكي ليها طعم جميل وفريد جدا
    يا رب يسعدك
    زي مانتي سبب سعادة كل اللي مريتي بيهم في حياتك
    وينور طريقكم
    وينور حياتكم
    ويملاها فرح
    وبهجة
    وهنا
    وسرور
    ويتمملكم بكل خير يا رب

    تحياتي للعريس العزيز
    وبإذن الله نتقابل قريب جدا

    أهلا بيك يا عريس في عيلتنا الجميلة
    ومبروك عليك أحلى ما عندنا

    ألف مبروك

    By Blogger عمرو إبراهيم, at Friday, January 19, 2007 3:52:00 PM  

  • يا الهي

    عندما نعشق ماذا يعترينا ..

    ما الذي يحدث في داخلنا ..؟

    ما الذي يكسر فينا ..؟

    كيف نرتد إلي طور الطفولة

    كيف تغدو قطرة الماء محيطاً

    ويصير النخل أعلى

    ومياه البحر أحلى

    تصير الشمس سواراً من الماس ثمينا

    حين نغدو عاشقينا

    لان الشعر هو رسول الحب عمك نزار بعت لك الرساله دي
    لاول مرة ابقى مش عارفه اعبر ولا اقول اي حاجة
    خليني اقولك مؤقتا مبروك الى ان اجد كلمة تعبر عن فرحتى لسعادتك يا احلى واطيب وارق واقرب حنين في الدنيا

    By Blogger كراكيب نـهـى مـحمود, at Friday, January 19, 2007 4:32:00 PM  

  • بسم الله ما شاء الله و الله أكبر.
    النهاردة كان يوم المفاجآت لما اكتشفت اني أعرف حنين و أعرفها كويس قوييييييييي كمان و كمان لما سمعت خبر قراءة الفاتحة من نهى.

    بصراحة كمان زعلت انهم خبوا علينا سبب عدم زيارتك لنا معاهم.

    ألف ألف و مليون مبروك يا حنين بجد بجد هذا الرجل الرجل أخذ أجمل و أرق زهرة عندنا و أكيد هو كمان إنسان جميل لإن كما وعدنا الله سبحانه و تعالى أن الطيبون للطيبات.

    ربنا يبارك لكم و يبارك فيكم و يرزقكم و يتمم لكم على خير و يرزقكم بالذرية الصالحة و سلام محمد و هاجر اليكي و نشوفك على خير قريب ان شاء الله.

    By Blogger Rosa, at Friday, January 19, 2007 5:00:00 PM  

  • الجميلة حنين
    احلى بوست رأيته منذ وقت بعيد جدا
    لا اعرفك الا من كتاباتك لكن لم اتصور انى ساكون سعيدة بهذه الدرجة عندما قرأت هذا البوست
    من كل اعماق قلبى اتمنى لك السعادة مع فارس الاحلام الذى لمس قلبك واحتصنه لتكون بأذن الله السعادة لكما

    حنين الف الف مبروك

    :)

    الاغنية جميلة وانت جميلة وربنا يخلى ايامكم كلها جميلة

    تحياتى

    By Blogger tota, at Friday, January 19, 2007 6:40:00 PM  

  • ياااااااااااااه متتخيليش أسعدتيني أد إييه بجد.. مبرووووووووك كتير ألف مبروك يا حنين أنا مبسوطة جدا علشان لقيتي اللي لمس قلبك .. يارب يتتمملك بخير ويكون ليكي كما تريدين.

    By Blogger تــسنيـم, at Friday, January 19, 2007 8:35:00 PM  

  • مبروك يا بنوتة
    حافظي عليه اوي..ده مش مجرد عريس..ده حبيب
    والجب بقي نادر اوي اليومين دول
    يا رب تسعديه ويسعدك
    وتبقي كل حاحة ليه ويبقي كل حاجة ليكي

    By Blogger أميرة البلطجية, at Saturday, January 20, 2007 12:47:00 AM  

  • بسم الله ما شاء الله ...أكيد أنتي تستاهلي هذا الرجل ..وهو علي وصفك وسعادة شيماء صراحة بيكي أكيد يستاهل كل خير
    يا رب تعيشوا في سعادة دايمة وتفضلوا مع بعض لحد ما تدخلوا الجنة سوا سوا كده زي الشطار
    وبإذن الله الإفراح تستمر وتتواصل وألف مليون مليار ديشيليون تريليون مبروك
    وللأسف مقدرتش أحضر الفرح اللي متعزمتش عليه أصلا :(
    مبروك تاني يا جميلة

    By Blogger Diyaa', at Saturday, January 20, 2007 1:17:00 AM  

  • أدعو لكما بظهر الغيب أن يبارك لك وله .. ألف مبروك ونتمنى لكما الخير دوما

    By Blogger يا مراكبي, at Saturday, January 20, 2007 1:50:00 AM  

  • ياه يا حنين
    شايفه اللوج منوراه الفرحة ازاي
    شايفة ابتسامات قلوب الناس اللي بنحبك
    زي الشمس الدافية

    من ساعة مل عرفتك و عمرو و شيماء و مساعدة
    كان فيه 3 اخبار نفسي اسمعهم و يفرحوني

    او لهم و اعزهم الى قلبي
    حصل و لله الحمد

    على فكرة ام عمرو مبسوطة اوي و مش عارف اقولك اد ايه الفرحة
    عبر اسلام الهاتف برضه بتبقى موجودة

    و لما كلمتك كان باين اوي
    صوتك و التأثيرات الجديدة الجميلة عليه

    مبروك مبروك مبروك
    لينا و ليكي و له و للدنيا كلها
    ايوة للدنيا كلها
    الملاك سبب سعادتنا
    سعيدة اوي
    بذمتكم مش عيد

    و الى ان القاه و القاكم

    من الغربة سلام

    By Blogger Abo Amr, at Saturday, January 20, 2007 8:06:00 AM  

  • السلام عليكم
    أقول أية ؟
    مبروووووووووووووووووووووووووك
    مبروووووووووووووووووووووووووك
    مبروووووووووووووووووووووووووك
    بس ياريت متنسيش المدونة بعد كده
    مش سهل الواحد يلاقي صحاب في الأيام دي

    By Blogger No Fear, at Saturday, January 20, 2007 10:03:00 AM  

  • viva

    اخى الجميل بمشاعره وفرحته التى غمرتنى
    ابكتنى كلماتك وانت تهنئنى فى الموبايل وتطلب منى ان افرح وألا أبكى أبدا

    كم أنا محظوظه بكل القلوب الجميله التى تحيطنى دوما

    ويعلم الله انى كنت اكتفيت بها حتى أتى الفارس الجميل وأضاف لى فرحة جديده

    ربنا يخليك ويسعدك انت ومروه ويرزقكم بفبفا ومروه صغيرين يكملوا فرحتكم
    :)))

    By Blogger حنيــــــن, at Saturday, January 20, 2007 11:04:00 AM  

  • الف مبروك ياحنين للمره الثانيه
    وسعيد بمشاعر الكل ليكي ربنا يوفقك مقدرش اقول غير انه رجل محظوظ علشان كده كتبتلك الكلمات دي
    *كم هو محظوظ رجل انتي اخترتيه
    *كم هو محظوظ فلب انتي عشقتيه
    *كم هو محظوظ انسان انتي تحتويه
    *كم هو محظوظ حب له تعطيه
    واخيرا ادعوا لكما دائما ان يحبك وتحبيه

    By Blogger HAPPY, at Saturday, January 20, 2007 12:14:00 PM  

  • تفتحين بيديك المرتبكتين ابواب المجهول الآن ..
    وفقك الله لاسعادة
    واسعد الله كل اوقاتكما
    قدمي له كل ما لديك من حب
    سيقدم لك الدنيا بابتساماته ومواقفه الصادقه
    ستعرفين التفاصيل وتعيشين معها وتصبح تفاصيلكما الصغيره مع الايام شيء واحد لايمكن فصله ابدا
    الف الف الف مبروك

    By Anonymous Anonymous, at Saturday, January 20, 2007 6:10:00 PM  

  • مرت نسمة رقيقه بها شذا طيب على بستان عمرك يا حنين فامنحيها ذلك العمر وإرتقى دوما فى دنياها لتبقى بعيونها متألقة الجمال رائقة البسمه صافية البال

    الف مبروك
    المرسل
    مستجد فى عالم المدونات

    By Blogger الملاح التائه, at Saturday, January 20, 2007 7:14:00 PM  

  • This comment has been removed by a blog administrator.

    By Blogger الملاح التائه, at Saturday, January 20, 2007 7:15:00 PM  

  • This comment has been removed by a blog administrator.

    By Blogger الملاح التائه, at Saturday, January 20, 2007 7:15:00 PM  

  • This comment has been removed by a blog administrator.

    By Blogger الملاح التائه, at Saturday, January 20, 2007 7:17:00 PM  

  • This comment has been removed by a blog administrator.

    By Blogger الملاح التائه, at Saturday, January 20, 2007 7:17:00 PM  

  • cast2way

    بغض النظر عن الحمام الجديد ووشه الحلو
    :))
    بس الموضوع ده قبل الحمام الجديد

    تمنياتى لك بكل السعاده يارب

    By Blogger حنيــــــن, at Saturday, January 20, 2007 10:57:00 PM  

  • amr ibrahim

    فعلا .. يا حلاوة كرم ربنا
    دايما بييجى أكتر مما نتوقع أو حتى نحلم
    بس لو نصبر شويه ونرضى كتير

    وأكيد أكيد الدعوات الجميله من القلوب الصافيه دى ليها نصيب من السعاده اللى بتمر علينا

    ربنا يخليكم ليا يا احلى صحبه فى الدنيا

    والعريس سعيد بيكم ومتشوق للتعرف على الصحبه الجميله دى

    :))

    By Blogger حنيــــــن, at Saturday, January 20, 2007 11:00:00 PM  

  • كراكيب نهى محمود

    منذ أن سمعت منك البيت ده
    عندما نعشق ما الذى يعترينا
    وانا بفكر فيه دايما

    أد ايه جميل
    وأد ايه التغيير اللى بيمر بينا بيبقى جميل
    وصعب جاد يتوصف بكلمات

    زى مشاعرى وحبى ليكى صعب جدا يتترجم لكلمات

    لما جيت اتكلم عنك مع " فارسى الجميل " اتلخبطت كتير لحد ما قلتله نهى حد مليان مشاعر بينبض بالحياه

    ربنا يخليكى ليا
    بحبك اوى

    By Blogger حنيــــــن, at Saturday, January 20, 2007 11:04:00 PM  

  • dream

    الجميله مامت هاجر .. علشان خاطرى ما تزعليش

    انا مبسوطه انك طلعتى الحد الجميل اللى بحمل لها كل الحب ويارب تكون دعواتى وصلت مع وصول هاجر بالسلامه وبدون تعب

    احيانا بيبقى نفسى اقول لكل الدنيا دول اصحابى واخواتى الجمال اوى
    وكلنا اخوات فى الله وفى الخير بس
    مافيش حاجه بتجمعنا غير الخير
    علشان كده صحبتنا مختلفه عن كل الناس

    ربنا يسعدك ويفرح قلبك وقلب محمد بهاجر يارب

    By Blogger حنيــــــن, at Saturday, January 20, 2007 11:08:00 PM  

  • الجميله tota

    معاكى كل الحق
    لان الفرح بقى نادر جدا الايام دى
    والسعاده بقت غاليه اوى
    علشان كده لما بنقابلها بنطبق ايدينا عليها وبنخاف نفقدها

    بتصور دايما ان احلى احساس واصدقه اللى بنحسه تجاه ناس ما شفناهاش

    منتهى الانسانيه والرقى فى المشاعر لما نفرح ونحزن ونتفاعل مع اصدقاء ما شفناهمش

    بس ربط بيننا اشياء مشتركه رغم البعد

    وانتى بجد ليكى غلاوه فى قلبى .. مش بس من اسمك زى ما قلتلك قبل كده
    :)

    By Blogger حنيــــــن, at Saturday, January 20, 2007 11:12:00 PM  

  • تسنيم

    وانا كمان اسعدتنى فرحتك الجميله
    ولمست قلبى كلماتك القليله اللى بتحمل كل الفرحه

    ربنا يسعدك

    By Blogger حنيــــــن, at Saturday, January 20, 2007 11:13:00 PM  

  • princess

    قلتى كلمه أد ايه جميله

    ده مش مجرد عريس
    فعلا
    ولو كان كده ماكانتش هاتبقى دى الفرحه ولا دى المشاعر
    ويمكن ماكانش هايبقى موجود دلوقتى

    الحياه تستحق اننا نصبر ونستنى لحد ما نقابل الانسان الجميل اللى نكمل معاه الرحله

    وفى الاخر ده رضا ربنا وترتيبه قبل اى حاجه تانيه

    بتمنى لك كل السعاده

    By Blogger حنيــــــن, at Saturday, January 20, 2007 11:16:00 PM  

  • diyaa'

    هو فعلا يستاهل كل خير
    ويارب اكون انا الخير فى حياته

    اما بخصوص الفرح فاحنا محتاجين نرتب لفرح فى الاستاد علشان كل الناس الجميله اللى بتحبنا تشاركنا فرحتنا

    :))

    By Blogger حنيــــــن, at Saturday, January 20, 2007 11:19:00 PM  

  • يا مراكبى

    بشكرك على الدعوه الجميله
    واتمنى ما تنساناش خالص فى دعواتك

    ويارب كل الخير لك

    By Blogger حنيــــــن, at Saturday, January 20, 2007 11:20:00 PM  

  • abo amr

    فعلا يا محمود انا حاسه كان فيه فرح فى البلوج

    بس ده من مشاعركم الجميله اللى غمرتنى بجد وبحاول استوعبها

    ربنا يحفظ عليك كل النعم
    ويجمعك بعمرو ومامته قريب يارب

    وبجد يديم علينا الاخوه الجميله دى
    زى ما بقول دايما
    ما بقيتش اعرف افرح غير وسطكم
    الفرحه معاكم لها طعم احلى بكتير

    :)

    By Blogger حنيــــــن, at Saturday, January 20, 2007 11:24:00 PM  

  • no fear

    الله يبارك فيك
    وعقبالك

    على فكره صعب اوى تتذوق طعم الصداقه الجميله اللى من غير اى شوائب وتتنازل عنها بارادتك

    اكيد ان شاء الله مش هابعد عن حنين
    لانها حته منى

    By Blogger حنيــــــن, at Saturday, January 20, 2007 11:26:00 PM  

  • happy

    :)

    الله يبارك فيك
    انا كمان سعيده جدااا بالمشاعر الجميله اللى محاوطانى من يوم الخميس

    جميل احساس الفرحه من قلوب بتحبك وبتتمنى تشوفك دايما سعيد
    فى وقت ندرت فيه السعاده والاصدقاء اللى ممكن تحبك علشانك انت بس

    اما عن كم هو محظوظ ذلك الرجل
    فأظن أنى الاكثر حظا بذلك " القلب الذهبى " الذى منحنى اياه بكل الحب
    :)
    ويكفى انه كان سببا لان أسمع تلك الكلمات الرقيقه
    :)

    By Blogger حنيــــــن, at Saturday, January 20, 2007 11:34:00 PM  

  • الغاليه الهام

    تفتحين بيديك المرتبكتين ابواب المجهول الآن

    الله عليكى وعلى كلماتك اللى دوما بتوقف عندها
    فعلا ده اللى بمر بيه دلوقتى
    رغم كل الفرحه والمشاعر الجميله الا ان يداى مرتبكتين تماما أمام ذلك المجهول والذى ادعو الله ان يكون كما نتمنى جميعا

    بشكرك على النصيحه الغاليه والامنيات الطيبه

    بتمنى لك كل السعاده دوما

    By Blogger حنيــــــن, at Saturday, January 20, 2007 11:38:00 PM  

  • زغلول

    اهلا بك فى عالم التدوين

    وبعد تصفح لمدونتك ما حسيتش ابدا انها لمستجد فى عالم التدوين

    وبشكرك على اضافتى عندك

    اما عن كلماتك الجميله فلك كل الشكر والتحيه والامانى الطيبه بكل السعاده

    By Blogger حنيــــــن, at Saturday, January 20, 2007 11:44:00 PM  

  • قرأت كلامك فوجدت شدو هذه الفرحة التي ترصع هذا الرجل الذي أحببته فمبارك عليك
    كلامك جدا طيب النكهة والريقة
    وعن لسانك أستوحيت
    ليت هذا الليل شهر * لا تروا فيه غريبا
    ليس إياه وإيـ * ـاك ولا تخشون رقيبا

    By Blogger Unknown, at Sunday, January 21, 2007 10:19:00 AM  

  • الف مبروك ليكى يا حنين
    ويارب دايما تكون ايامك كلها سعادة وفرحة يا رب
    وان شاء اللة تعيشوا فى تبات ونبات
    وتخلفوا صبيان وبنات

    اخوكى المنسى

    By Anonymous Anonymous, at Sunday, January 21, 2007 4:07:00 PM  

  • بارك الله لكما و بارك عليكما و جمع بينكما في خير
    بارك الله لكما و بارك عليكما و جمع بينكما في خير
    بارك الله لكما و بارك عليكما و جمع بينكما في خير
    الحمد لله انه ما زال هناك في هذة الدنيا مثل هذة المشاعر النبيلة المقدسة سواء تلك التي بينك و بين عريسك او بينك و بين صديقاتك

    By Blogger wayfarer, at Sunday, January 21, 2007 6:55:00 PM  

  • والله كم سعدت لفراءه الشطور السابقه
    ادام الله عليكي تلك السعاده
    وكم انمتي انسانه تستحق اكثر من ذلك لم اجد ما اقوله لكي
    سوي
    ربنا يتتم لكي بالف خير

    By Blogger مـحـمـد مـفـيـد, at Sunday, January 21, 2007 8:43:00 PM  

  • الف الف مبروك يا حنين

    انا فرحت قوى لما قريت البوست بتاعك ده


    والحمد لله انك لقيتى اللى يستاهلك وتستاهليه وربنا يسعدكوا يارب

    By Blogger Carmen, at Sunday, January 21, 2007 9:20:00 PM  

  • ايه الجمال ده ما شاء الله؟؟؟
    مبروووووووووك
    بجد الف الف مبروك
    ربنا يسعد ايامك كلها يا رب
    بجد انتى تستاهلي كل خير

    وعلى رأي cast2way
    كلنا كده هنغير الحمام (:

    By Blogger دينا فهمي, at Sunday, January 21, 2007 9:22:00 PM  

  • الف مبروك يا جميله
    و ربنا يتمم بخير

    By Blogger mariam, at Sunday, January 21, 2007 11:06:00 PM  

  • عايز اسمع احلى سلام لكل الحلوين ايلى علقو على بلوج ( جنين) ـــ
    انا بقا النهاردة مش عارف اوصف سعادتى بالمرة والله العظيم من كتر فرحتى مش قادر اوصفها

    اولا : لفرح اختى العزيزة حنين وقراءة فاتحتها وديه كانت من امنياتى والحمد لله
    وثانيا : هو دخول فرد جديد فى عائلتنا الجميلة يا رب تكون معانا مبسوط وفرحان زى ما احنا مبسوطين بيك اووووووووى

    ثالثا : لتنازلى عن الانتخابات وديه الحقيقة تمت مساومتى من شخص مسئول لا يريد ذكر اسمه بمساومتى على الانتخابات مقابل ان اعرف خبر اجمل ناس بنحبهم ووفقت ولاكن الخبر كان اجمل مما كنت اتخيل فقررت التنحى عن الانتخابات نهائيا بسبب الخبر الجميل

    والله ما عارف اوصف سعادتى لاكن ادعو من الله ان يبارك لكما ويسعدكما بقدر ما اسعدتونا بالخبر الجميل

    اللهم بارك لكما ويجعلكما خير زوجين صالحين وان يهبكما الله بالذرية الصالحة
    اللهم امين اللهم امين اللهم امين


    انا حاسس انى عايز اعيط
    ههههههههههههههههههههههه
    A&Sh

    By Blogger Ahmed yossif, at Monday, January 22, 2007 10:21:00 AM  

  • الطيبون للطيبات
    الف مبروك وبهذه المناسبه ممكن اشارك على قد فرحتي

    اخذني
    لعالمك العذب ودني
    اخذني
    حطم كيان حزني
    اترك الخجل فيني
    اترك حكي عيني
    محد غيرك فهمني
    خذني
    ارسم لي دنياي بوجودك
    اجزيني بعطفك وجودك
    كل الناس حولي فيك فرحانين
    كل شي حولي منك يزين
    محد غيرك
    فرحني
    خذني
    مليت ايامي برقتك وزهورك
    غرقتني باحساسك وشعورك
    ابيك بعد
    تغرقني
    خذني

    By Blogger barrak, at Monday, January 22, 2007 12:52:00 PM  

  • ألف ألف مبروك
    أدام الله عليكما نعمة السعادة والحب
    والتفاهم
    والوفاق
    وراحة البال
    وجعلكما سكينة لبعضكما البعض

    مع تحياتي وأمنياتي

    By Anonymous Anonymous, at Monday, January 22, 2007 2:23:00 PM  

  • الى الجميلة الرقيقة حنين
    بحبك وحشتينى

    بحبك .. لانك فعلا تستحقى الحب
    ووحشتينى .. لانى بقالى كتير ما شفتكيش

    يارب يسعد اوقاتك ويملئ حياتك بكل الحب
    وللعلم انا زوجى العزيز بيغنيلى الاغنية دى كتير ويؤكد على مقطع (دة وانتى مطلعة عينى) ويضيف بعدها
    اه يانا يا امه
    ودة طبعا لانه مرهف الاحساس جدا جدا
    سى محمد بيك جوزى
    كان معكم مروة حرم محمد سعيد
    VIVA
    اللى بقى سعيد جدا بعد ما اتجوزنى

    By Anonymous Anonymous, at Tuesday, January 23, 2007 5:09:00 PM  

  • الف مبروك ربنا يتمم بالف خير ويرزقكم بالرزق الحلال والحياة السعيدة التى تتمنيها ويزقك بالاطفال التى تنير حياتكم وتضئ ليلك

    By Blogger Amany, at Thursday, January 25, 2007 9:57:00 PM  

  • 10000000000000 mbrok....da tany khbr khtoba asm3o this week...ana bgd fr7anlk awy...mn ur blog bs 3rft enk tstahly kl kher..aked fe el72e2a ar2 we agmal..t7yaty lhaza elragl

    By Blogger frozen love, at Friday, January 26, 2007 4:46:00 AM  

  • الله.....
    انا مبسوطة....
    مش عارفة ليه وانا بقرا الكلام كنت حاسة انى معاكو....
    مبروك يا حنين.....
    مبروك عليكى حياة جديدة جميلة زيك....

    عقبالى بقى يارب....
    عقبااااااااااااااااااااااااالى

    By Blogger dandana, at Friday, January 26, 2007 7:08:00 AM  

  • الف مبروووووووووووووووووووووووووووك

    By Blogger media, at Friday, January 26, 2007 8:21:00 PM  

  • MELIOOOON ALF MABROUK ya gameeela

    rabena yes3ed kw yetamemlek be5eer ana wlahi fre7telk m3 eni mosh 3arfaki 3'er men el blog..rabena yes3edek begad :)

    urs : we2am

    By Blogger Oma, at Friday, January 26, 2007 11:21:00 PM  

  • محمد

    المنسى

    wayfarer

    محمد مفيد

    carmen

    دينا فهمى

    mano

    yasser

    ahmed yossif

    barrak

    حائر فى دنيا الله

    مروه " حرم محمد السعيد جدااا "

    amany

    frozen love

    dandano

    لولا

    oma




    انك تحب وتتحب

    مش بس ده اسم مدونة أخى الصغير " أخو كراكيب " طارق

    لكن ده الاحساس اللى وصلنى من كل اصدقائى واللى انهالت عليا دعواتهم وغمرتنى فرحتهم وملأت مدونتى كلماتهم الرقيقه لتهنئتى ونحن لم نرى بعضنا البعض

    ولكنها القلوب الجميله عندما تتآلف
    لتعبر بنا أميالا من المسافات

    أسعدتنى جدا كلمات أصدقائى المدونين
    وحلقت بفرحتى بعيدا حتى لامست السحاب
    ورأيت الدنيا أجمل كثيرا وأنتم حولى تحتفلون بى وتفرحوا لفرحى

    ولكن تضاعفت سعادتى بتلك القلوب الجديده التى رأيت أسمائها لأول مره على مدونتى

    كم أحببت مشاركتكم ونحن لم نتبادل الكلمات بعد

    لكم منى كل الحب والدعوات الصادقه لكل منكم بالسعاده وان يغمركم الحب الذى منحتنى اياه


    كل الشكر لكل من أهدانى ورده وأغنيه ودعوة جميله وتهنئة رقيقه

    وعقبالكم كلكم

    :)

    By Blogger حنيــــــن, at Saturday, January 27, 2007 1:28:00 AM  

  • مــــــــــــــــــبروك يا حنين

    ألف مبروك
    وأجمل أمنياتى بالسعاده

    By Blogger مجدى سرحان, at Sunday, January 28, 2007 8:16:00 PM  

  • مجدى سرحان

    الله يبارك فيك
    فينك من زمان مختفى لعل المانع خير

    تحياتى

    By Blogger حنيــــــن, at Monday, January 29, 2007 12:43:00 AM  

  • حنين ايه ده
    مبرووووووووووك
    الف مبروك
    انت تستهلى كل خير
    صحيح احنا منعرفش بعض بس كلماتك
    دايما بتحسسنى بانسانه جواها دفا و نور و طفله بريئه اوى
    ربنا يسعدكم

    By Blogger Dananeer, at Friday, February 02, 2007 5:23:00 AM  

  • dananeer

    تعرفى انك وحشتينى اوى
    ايه الغيبه دى كلها
    الله يبارك فيكى وعقبالك يارب
    متشكره على التهنئه الجميله اوى

    By Blogger حنيــــــن, at Friday, February 02, 2007 7:58:00 AM  

  • angel^heart

    الله يبارك فيك
    متشكره جدا على المشاعر الجميله دى

    By Blogger حنيــــــن, at Tuesday, February 06, 2007 12:13:00 AM  

Post a Comment

<< Home