حنيـــــــــن

Monday, January 08, 2007

أصعب قرار




كيف نختار
عندما يكون القرار مصيريا
المعطيات عديده
ولكن بعضها يحمل فى طياته بعض المخاوف
هل نسمح ببعض التنازل
أم نتمسك بما كنا نطالب به دوما
...

posted by حنيــــــن at 12:00 PM

27 Comments:

  • محدش فى الدنيا دى كلها
    بياخد اللى هو عايزة بالظبط

    لازم يبقى فيه تنازلات
    باى شكل من الاشكال

    بس المهم هنا
    انى اقدر افكر كويس
    واشوف هل اللى هتنازل عنه ده .. هاقدر اعيش من غيره ؟؟ او اتوائم معاه فى الموقف ده ؟؟

    هل هلاقى قدام تنازلى التقدير لده بالفعل ... و ده فى كل حياتنا
    شغل .. عيلة ... حياة جديدة
    كل تفصيلة من تفاصيل حياتنا

    المهم التنازل او التغاضى ده يكون بقدر معقول مش قدر مفدح يجي علينا
    و مندمش فى يوم من الايام انى تنازلت

    By Blogger شيمـــــاء, at Monday, January 08, 2007 1:30:00 PM  

  • شيماء

    بحبك

    :)

    By Blogger حنيــــــن, at Monday, January 08, 2007 1:55:00 PM  

  • بالظبط كده زي ما قالت شيماء .. اللي هاتتنازلي عنه ده .. وزنة قد إيه في الموضوع؟ حاجة كبيرة مؤثرة .. ولا حاجة هامشية يمكن التنازل عنها؟

    نصيحة: صلي صلاة الإستخارة

    By Blogger يا مراكبي, at Monday, January 08, 2007 1:59:00 PM  

  • هل نأخذ كل مانريد؟
    الجواب...لا
    إذن المشكلة ليست في عدم تناولنا كل أحلامنا بل المشكلة حقاً في كيفية التعامل مع الواقع نأخذ الأشياء الجميلة ونرعاها ونهتم بها ونكبر بها
    ونأخذ الأشياء السلبية ونتفاهم حولها ونحاول علاجها

    ولكن بشرط وجود الحب الحقيقي الصافي الصادق الذي سيأخذ بأيدينا ويتخطى مشاكلنا سوية
    فليس من الضروري أن نتطابق حتى نعيش بل أن نتفاهم
    بشرط أن لا نفقد أهم شرط في الحب
    كرامتنا
    مع تحياتي الحارة

    By Anonymous Anonymous, at Monday, January 08, 2007 2:46:00 PM  

  • السلام عليكم
    أنا هأستهبل بصراحة وأعتبرك بتتكلمي عن الحياة العملية بالرغم من أن الصورة بتقول الحياة العاطفية
    في كتاب للدكتور إبراهيم الفقي أسمه المفاتيح العشرة للنجاح منها المرونة
    يعني ممكن تتنازلي بقدر قليل أو مش تنازل ممكن تعديل الكلمة المناسبة
    و الله أعلم
    أنا أذكرك ده في الحياة العملية
    الحياة العاطفية مقدرش أفيدك الحقيقة

    By Blogger No Fear, at Monday, January 08, 2007 8:33:00 PM  

  • مش عارفه بصراحه حاسه كده ان انتى طالما قلتى كلمه تنازل دى يبقى انتى اصلا مش مقتنعه اوى

    اصل لو انتى مقتنعه كنتى هتلاقى نفسك ماشيه فى الموضوع كده من غير تفكير

    عموما صلى استخاره زى ما قلك المراكبى

    وربنا يوفقك للخير يارب

    By Blogger sara86, at Monday, January 08, 2007 8:51:00 PM  

  • أظن إنك بعد ما عديتي عليا في بوست كلاكيت تاني مرة فأكيد أنتي عارفة إني شخص غير مناسب لإبداء الأراء في حاجة زي دي بس أقولك حاجة لما تكون السكينة سارقاكي بتبقي شايفة إن ده مش تنازل بس بعد شوية بتكتشفي إنه تنازل وأنه وجعك فعلا إنك اتنازلتي، أقولك حاجة ماما بتقول إن الفرص مش بتضيع بيجي أحسن منها بس متتنازليش ..
    وانتي عارفة كلام ماما بيطلع صح ;)

    By Blogger تــسنيـم, at Monday, January 08, 2007 10:02:00 PM  

  • اتنازل بحدود عقلي لاقلبي

    By Blogger barrak, at Tuesday, January 09, 2007 12:09:00 AM  

  • حنون التنازل بيكون تبعنا للوقت الي احنا فيه يعني ممكن نكون كبرنا وخبرتنا فى الحياه بقت اكبر و اعمق وفى الحاله دي مش بيبقى اسمه تنازل بيبقى اسمه اختلفت وجه نظرى وبحكم خبرتى الجديده هقدر ادير حياتى الجديده و ربنا معاكى

    By Anonymous Anonymous, at Tuesday, January 09, 2007 12:28:00 AM  

  • اعتقد ان التنازل هايلازم اى قرار الانسان بياخده...
    دايما هاتلاقى نفسك اتنازلتى عن حاجة فى مقابل حاجات تانية اخترتيها...
    يبقى ببساطة الواحد يختار اللى هايحققله كم اكبر من الرضا وكم اقل من الندم....

    By Blogger dandana, at Tuesday, January 09, 2007 1:53:00 AM  

  • اعتقد ان التنازل هايلازم اى قرار الانسان بياخده...
    دايما هاتلاقى نفسك اتنازلتى عن حاجة فى مقابل حاجات تانية اخترتيها...
    يبقى ببساطة الواحد يختار اللى هايحققله كم اكبر من الرضا وكم اقل من الندم....

    By Blogger dandana, at Tuesday, January 09, 2007 1:54:00 AM  

  • ازيك يا حنين عامله ايه كل سنه وانتى طيبه يا رب تكونى بخير
    اما بالنسبه بقى لموضوع الاختيار ام التنازل
    انا رأيى ان انتى لو حاطه فى دماغك حاجه معينه بقالك فتره كبيره ونفسك تعمليها , اوعى اوعى مهما كان تتنازلى عن اى جزء صغير مهما كان فى الشئ اللى انتى عايزاه ده .
    الحاجه اللى الواحد نفسه فيها اما يحققها زى ما هو كان راسمها فى احلامه اما ما فيش
    وخدى بقى كمان النصيحه دى اذا اردت شئ بشده فأتركه فان عاد اليكى فهو ملكك للابد وان لم يعد فانه لم يكن لكى من البدايه
    اخوكى روكى

    By Blogger rokaaa, at Tuesday, January 09, 2007 2:13:00 AM  

  • حنين ازيك
    حلو جدا التساؤل ده اللي بيقابلنا في مراحل كتيرة في عمرنا
    بس أعتقد إن الانسان لازم يبقى واضح مع متطلباته وميخدعاش بتنازلات وهمية
    يعني فيه قرارات مينفعش فيها أي تنازلات بالمرة
    تحياتي

    By Anonymous Anonymous, at Tuesday, January 09, 2007 5:36:00 AM  

  • يا مراكبى

    متشكره على المشاركه الجميله تذكيرك للاستخاره

    تحياتى



    حائر فى دنيا الله

    عجبتنى جدا الكبسوله اللى لخصت فيها سر السعاده كما رأيتها منك

    كيف نروى نبتة المشاعر الجميله حتى تمتد جزورها فى ارض واقعنا الجديد وكيفية معالجة السلبيات

    وطبعا لبس من الضرورى ان نتطابق بل نتفاهم
    اد يه الجمله دى عبقريه
    التفاهم

    أسعدنى مرورك
    تحياتى



    no fear

    تصدق بقى انى مش بيعجبنى ابراهيم الفقى ده مش عارفه ليه

    تفتكر احنا محتاجين حد يعلمنا ازاى نحب وننجح ونفكر ووو !!؟

    مش عارفه بس حاساها بديهيات

    نرجع للمرونه .. انا شايفه ان المرونه مهمه جدا فى كل حاجه
    فى حياتنا العاطفيه والعمليه والاجتماعيه كمان
    والا ها ننكسر



    sara86 الجميله

    مش فكرة مقتنعه او لا يا ساره
    الفكره انك احيانا بتكونى ماشيه فى طريق فى أوله
    واللى شايفاه من البدايه مريح ومشجع للاستمرار بس بتطل مخاوف طبيعيه كأى طريق جديد بتمشى فيه لاول مره ومش عارفه هايوصلك لايه

    لو كمان صادفتى حاجه مخالفه للى كنتى بتطلبيه دايما .. فمخاوفك وقتها بتزيد شويه

    بس كده
    :))

    دعواتك

    By Blogger حنيــــــن, at Tuesday, January 09, 2007 11:40:00 PM  

  • تسنيم

    ماما دايما على راسى هى وكلامها اللى دايما بيطلع صح

    الجديد بقى يا تسنيم ان ماما مش قلقانه زى
    :))
    شفتى ازاى ؟



    barrak

    كالمعتاد دوما
    كلمات مركزه تحمل كل المعانى

    بشكرك اوى على مشاركتك اللى دايما بتسعدنى

    تحياتى



    المجهول/ المجهوله

    بتفق معك تماما فى ان التنازل بيبقى تبع للوقت اللى احنا فيه

    وفعلا احيانا بنرفض اشياء تماما وبعد ما تمر سنين قليله او كتيره نقبلها وبرضى
    لان مش بس كبرنا لكن كمان نظرتنا للامور بتتغير
    :)
    تحياتى



    dandana

    مش معقول الكبسولات واللى بشوفها النهارده معاكم دى

    جميله يا دندون فعلا

    لو فكرنا بعقلنا شويه طبعا لازم بيبقى فيه بعض التنازل اللى بنحاول زى ما قلتى يكون اقل ما يمكن

    اهلا بك




    rokaaa

    اخويا الجميل
    اخبار الكليه والامتحانات ايه ؟
    انا بطمن من نهى

    :))

    شوف يا طارق كلامك الى حد كبير منطقى بس زى ما قلت ان احنا بنتغير وبيتغير تفكيرنا وحتى احلامنا مع السنين اللى بنمر عليها
    زى ما بتضيف لنا رقم جديد كل سنه كمان بتضيف لنا خبرات تخلينا نشوف الامور برؤيه اوسع

    الفكره دايما انك غالبا ها تتنازل بس الى اى مدى تنازلك ده مش هايكون سبب تعاستك او فشلك

    ده رأى
    بجد نورتنى
    :)




    تامر العفيفى

    فين الرباعيات الجديده ؟
    بقى لك فتره مش بتكتب ليه ؟
    ماتخافش انا عارفه طبعا ان فيه أمور ما ينفعش فيها اى تنازلات

    تحياتى

    By Blogger حنيــــــن, at Tuesday, January 09, 2007 11:57:00 PM  

  • رغم اني عدو التنازلات..اكن انا برضه واثق من حقيقة..اني في القرارات والمصيرية منها بالذات...احنا مبنبقاش احنا..نفعل دائما اشياء على غير العادة لتنفيذ خطة القدر كما انزلت تماما...ممكن يكون من ضمن هذه الاشياء بقى تلك التنازلات

    تحياتي

    By Blogger frozen love, at Wednesday, January 10, 2007 1:29:00 PM  

  • حنين
    انا مع اغلب الاراء
    اتنازل عن شىء بسيط فى حياتى مش مؤثر ممكن
    لكن اتنازل عن حلم كبير او امنية عشتها فى خيالى صعب قوى
    وبداية التنازل عن الاشياء المهمة سلسة من فقدان القيمة وهك

    By Blogger tota, at Wednesday, January 10, 2007 10:00:00 PM  

  • وهكذا تستمر التنازولات
    تحياتى

    By Blogger tota, at Wednesday, January 10, 2007 10:01:00 PM  

  • في حاجات ثوابت اعتقد اننا لانقبل فيهل تنازلات اما في بعض الحاجات التي نستطيع ان نقدم التنازلات بشرط ان نكون علي اقتناع بها
    دي وجهه نظري يجوز تكون صحيحيه او مخطئه

    By Blogger مـحـمـد مـفـيـد, at Thursday, January 11, 2007 12:32:00 AM  

  • من الغباء ان يفكر الانسان ان تغييرة لافكاره ومواقفه تنازل الا ان كان يعلم انها ما زالت مواقفه ولكنه يتنازل لاجل شخص أخر هذة مسأله أخرى
    لماذا نتنازل هذا هو السؤال اما القرار الصعب فيجب ان نجيب عليه ولو خسرنا الا اننا نظل قد حاولنا واما الندم فهو قرار ايظا وبأيدينا نستطيع تخطيه
    تحياتي

    By Anonymous Anonymous, at Thursday, January 11, 2007 8:12:00 PM  

  • كنت ببص اشوفك كتبتي حاجة جديدة لقيتك انتي كمان حاطة عمر خيرت...امتى الزمان؟...صدفة جميلة وطبعا عارفة رايي فيها بما اني حاججها انا كمان..بعشقها اصلا

    By Blogger frozen love, at Friday, January 12, 2007 3:40:00 AM  

  • ما تتنازليش إلا عن اللي "ممكن" تتنازلي عنه
    يعني ماتضحيش إلا باللي تقدري تضحي بيه
    غير كده لا
    ياريت تكون فكرتي وصلت

    ربنا يعمل لك كل اللي فيه الخير

    By Blogger دينا فهمي, at Friday, January 12, 2007 3:32:00 PM  

  • Fisrt i would like to tell you that i liked your blog gidan ..
    and i spent very good time reading your articles..

    Conserning this post, i would like to tell you one sentence:
    feeh nas testahel teda7y b3omrek kollo 3ashanhom, w feeh nas matestahelsh SA2A wa7da mn 3omrena... bas el moshkela ne3raf meneein meen yestaahel w meen mayestahelsh?!!!

    If you know the answer to my question then your problem baseeta awi...
    but if u don't know ... then step carefully in life... coz we usually get to know when it's TOO LATE!

    Rabena yershedek lel kheir..

    By Blogger Sarah ElTobgy, at Friday, January 12, 2007 10:57:00 PM  

  • دائماً مانرى

    فى بداية كل امر نطلب من الدنيا ما لارجعة فيه سواء كان ذاك قراراً متعلقاً بنا ومصائرنا او كان مجرد طلب تمنيناه

    بعد حين اذا وجدنا صعوبة فاذا بنا نتخلى عن الابعد فالابعد

    ثم بعد حين اخر يحدث التمايز بين الاقرب فالاقرب

    فلا رجعة فى قرار اتخذه الزمن علينا و لا مفر لنا منه الا اليه

    والسلام

    By Blogger cast2way, at Saturday, January 13, 2007 12:25:00 AM  

  • عشان نحصد الورد لازم ادينا تنجرخ من الشوك
    معلش كل شيء له تمن
    وربنا يوفقك للخير
    سلام

    By Blogger Memo, at Saturday, January 13, 2007 8:37:00 AM  

  • frozen love

    دايما بقول اننا عندما نحب ما بنبقاش احنا
    بنبقى حد تانى

    لكن
    نفعل اشياء على غير العاده لتنفيذ خطة القدر كما انزلت
    جميله جدا وواقعيه تماما

    تحياتى للمعنى الكبير اوى



    الجميله tota

    التنازل أمر مطروح للنقاش والتفكير واعادة الحسابات دوما
    ولكنه أكيد لا يجب ان يصل بنا الى فقدان القيمه

    بجد بتسعدنى طلتك الجميله
    :)




    محمد مفيد

    طبعا صحيحه
    كل الامور قابله للتناول الا الثوابت



    صديقتى الجميله الهام

    عجبتنى اوى الجميله دى يا الهام

    من الغباء ان يفكر الانسان ان تغييره لافكاره ومواقفه تنازل

    احنا فعلا ليه بنتمسك بثوابت ولو صادفنا مفردات مختلفه عن ثوابتنا بنتلخبط كده ؟

    طبعا مش بتكلم عن المبادئ والقيم اللى بتتشكل بينا لكن على رؤيتنا لبعض الامور

    دايما بتضيفى جديد بتعليقك
    :)

    By Blogger حنيــــــن, at Saturday, January 13, 2007 11:01:00 AM  

  • دينا فهمى

    فكرتك وصلت ودعوتك كمان
    ربنا يخليكى وبشكرك على مشاعرك الجميله اوى




    sara eltobgy

    مبسوطه انك بتيجى عندى كتير وبتعجبك واحتى الصغيره


    وبالنسبه لتعليقك فمعاكى حق
    الفكره دايما اننا الى حد كبير بنقدر نتنازل ويمكن نضحى كمان
    بس امتى نعرف اذا كان الشخص ده يستحق تضحياتنا ونتازلنا ولا لأ ؟

    هو ده السؤال واللى يستحق اننا ناخد وقتنا الكافى علشان نتأكد من اختيارنا واستحقاقه لمشاعرنا وبالتالى لاى تنازل

    تحياتى يا جميله



    cast2way

    مش عارفه ليه حاسه بنغمة استسلام فى كلماتك
    لاول مره باسمعها
    ياترى خير ؟



    memo


    اكيد كل شيئ له ثمن
    بنتمنى دايما يكون الشيئ ده بيستحق كل العناء اللى بنسعد واحنا بنبذله فى سبيل الحصول عليه

    تحياتى

    By Blogger حنيــــــن, at Saturday, January 13, 2007 11:12:00 AM  

Post a Comment

<< Home