حنيـــــــــن

Saturday, November 11, 2006

حزينه



يا حـزين يا قمقـم تحت بحـر الضياع

حـزين أنـا زيـك وإيـه مسـتطـاع

الحـزن مـا بقالهـوش جـلال يا جـدع

الحـزن زى البـرد . . زى الصـداع

!!! عـجبى

posted by حنيــــــن at 8:49 PM

10 Comments:

  • عطينى خمس دقايق بس
    سمع هالموسيقى
    الموسيقى


    الست فيروز قالتها
    بس هو فعلا الحزن بقى زى البرد زى الصداع


    سلامة قلبك من الحزن
    وان شاء الله ما يجعله قر يب منك ابدا

    By Blogger شيمـــــاء, at Sunday, November 12, 2006 1:26:00 AM  

  • انا ايضا فزعانة

    By Blogger بعدك على بالى, at Sunday, November 12, 2006 7:49:00 AM  

  • الحزن
    عارفه كل حاجه في الدنيا بتبتدي صغيره
    الطفل بيكبر
    الحلم بيكبر
    الحب بيكبر
    الا الحزن
    ماشي عكس السير
    يبدا كبير قوي و يوجع بس
    مع الايام
    يصغر و يصغر لحد ما يختفي

    By Blogger ام العيال, at Sunday, November 12, 2006 8:46:00 PM  

  • علي رجلي دم .. نظرت له ما احتملت
    علي إيدي دم.. سألت ليه ؟ لم وصلت
    علي كتفي دم.. و حتي علي رأسي دم
    أنا كلي دم .. قتلت ؟ ..... والا اتقتلت
    عجبي

    By Blogger محمد أبو زيد, at Sunday, November 12, 2006 11:26:00 PM  

  • يا كل الاصدقاء هنا وفى اى مكان

    ازاى يقدر يستمر ساعه حزين اللى عنده كل القلوب الجميله دى

    بعتذر عن نوبة الحزن اللى هاجمتنى مع دور البرد المصاحب لدخول الشتاء

    بس خلاص انتهت
    :)


    shaimaa

    شكرا على متابعتك من بعيد
    واحساسك بكلا للى بيدور
    :)


    بعدك على بالى

    بعد الشر عليكى من اى حاجه وحشه


    aymen.farouk

    انا عارفه طبعا انك تقصد جاهين هو اللى صدق

    :))


    ام العيال

    حمدالله على سلامة رجوعك وعلى الاخبار الجميله

    شفتى رجوعك غير المود ازاى
    :)


    محمد أبو اليزيد

    قلبى واجعنى وبحاول ازق نفسى بعيد شويه
    الحزن زى الرمال المتحركه
    محتاجين نقاومه بكل قوتنا علشان نخرج منه

    تحياتى

    By Blogger حنيــــــن, at Sunday, November 12, 2006 11:36:00 PM  

  • عفوا

    محمد أبو زيد

    By Blogger حنيــــــن, at Sunday, November 12, 2006 11:42:00 PM  

  • جميلة فيروز
    اوى
    الحزن ساعات جميل ، وده لما يكون من شوق او انتظار او تذكر ذكرى جميلة

    ساعات صعب لما بيكون على فراق ، لما يكون من لقاء من لا نريده فى حياتنا

    ساعات غريب لما نكون مش عرفين مصدره

    ساعات الم لما يكون فى ذكرى سيئة لا نريد البوح بها حتى لانفسنا

    لكن حزنك انتى يا حنين هو حزن حنين

    وحشتنا ضحكتك


    والسلام

    By Blogger cast2way, at Monday, November 13, 2006 6:59:00 PM  

  • cast2way

    الحمد لله مشى خلاص بكل ما يحمل

    بس ده مش معناه انه مش راجع تانى

    والا تبقى الحياه خلصت خلاص

    الحمد لله انها عدت على خير

    اسعدتنى تعريفاتك البسيطه للحزن اللى مش ابدا بسيط

    دايما تعليقاتك ممتعه بكل العمق اللى بتحتويه

    :)

    By Blogger حنيــــــن, at Monday, November 13, 2006 9:55:00 PM  

  • الله على الكلمات البسيطة


    ولكن لما بتبقا صادقة

    بيعمل ..
    انشكاحات نفسانيا

    ..

    بأقول ايه ..
    ماتيجي نبص بس
    نبص
    بس
    :)

    احييك

    By Blogger أُكتب بالرصاص, at Wednesday, November 29, 2006 9:39:00 AM  

  • اكتب بالرصاص

    دى كلمات العبقرى جاهين

    انا بس عاوزه اعرف نبص فين

    للسما .. للقمر .. لنفسنا

    مش عارفه
    على العموم اسعدتنى زيارتك بجد

    By Blogger حنيــــــن, at Wednesday, November 29, 2006 10:44:00 AM  

Post a Comment

<< Home