حنيـــــــــن

Tuesday, December 04, 2007

هى فوضى



إقرار
سؤال

؟

أقره وأجاب عليه يوسف شاهين

وانتهى بخروج مجموعات كبيره من الغاضبين المقهورين مسلوبى الكرامه منتَهَكى الادميه
خرجوا فى تلاحم شديد الغضب لمحاصرة الفساد المتمثل فى حاتم
"خالد صالح"
"الناس"
هى اللى حاصرته وأحكمت قبضتها عليه
وما أفلتتهوش رغم طلقات رصاص الشرطه
لان الفساد والطغيان بلغ منتهاه
المتمثل فى الرمز
أمين شرطه
اللى ايده طايله الخلق كلهم
صحيح الصحوه دى تأخرت كتير
وكان ثمنها غالى أوى
بس أشد لحظات السواد هى اللى بتسبق بزوغ الضوء

والفكره مش فى حاتم
مش هو الفساد الوحيد فى الجهاز ده
ولا ده الجهاز الوحيد اللى ريحته طالعه

خرجت من الفيلم بلهث
مكتئبه أكتر منى غاضبه
موجوعه أكتر منى حزينه

ومابقاش ينفع نقول انه حاتم الضحيه
رغم انه ضحيه
بس خلاص آن أوان تطهير المصارف




العديد من المشاهد تحسب لشاهين
أداء رائع لكل الادوار
ليس خالد صالح فقط
حتى الممثلين اللى طلعوا فى لقطتين كانوا بيظهروا تفاصيل اللوحه اللى رسمها
بعبقريه يوسف شاهين

هى فوضى
غضب
عنف
كبت
قهر
ظلم
استبداد
جبروت
بلطجه
فيلم عدى من الداخليه

والرقابه

!!!


سأعيد مشاهدته
أكيد
رغم الغضب الذى اعترانى بشده
وصعوبة تنفسى فى مشاهد عديده
رغم حالة الحزن التى انتابتنى لمدة ثلاثة أيام
حتى تمكنت من كتابة هذه السطور

7 Comments:

  • اعجبني جدا نقدك للفيلم رغم كوني غير مهتم بالافلام ولكن رائي معظم البلوجات تشيد به ولكن اعجبني النقد جدا والتناول كان من زوايا رائعه

    By Blogger مـحـمـد مـفـيـد, at Tuesday, December 04, 2007 3:28:00 PM  

  • العزيزة حنين..
    رغم اهمية هذه النوعية من الأفلام,لكنى اعترف انى كمشاهدة اجد صعوبة فى مشاهدتها.لم ارى"هى فوضى"لكنى شاهدت"واحد من الناس"فيلم قاااااااااسى,ومن حينها وانا ادرك اننى لن اشاهد الفيلم مرة اخرى.رغم رغبتى الجامحة فى ان اكون عصا تميت امثال هؤلاء.او سلاح كيماوى شديدالايلام والفتك,الا اننى حقالااقوى على مشاهدة هذه الافلام.ولا اقوى على الحالة التى تنتابنى بعدها..ابداااا.
    نقطة اخرى شاهدت اعلان الفيلم..وانتابنى غضب عااااااااااارم.."الم يكن ممكنا ان نقدم فيلماالا بهذا الكم من العرى والمشاهد الاباحية؟؟اى ثمرة حسنة نجنيها من ذلك؟؟واى خدمة للانسانيةاولقضية الفيلم تقدمها هذه النوعية من المشاهد وهذا التوجه؟؟!!!!!!!!!انى اررررررررفض ذلك حتى النهاية.تحياتى للنبل بشخصك

    By Blogger moony, at Tuesday, December 04, 2007 4:38:00 PM  

  • يعنى يوم ما ترفهى
    تروحى هى فوضى
    ماشى ماشى


    فاكرة ... منتهى اللذة
    :))

    By Blogger شيمـــــاء, at Tuesday, December 04, 2007 9:06:00 PM  

  • محمد مفيد

    اتمنى تشوف الفيلم انا مش عارفه اعبر عن احساسى اللى طلعت بيه من الفيلم
    كم مشاعر متداخله بشكل خلانى مش عارفه اتكلم عنه
    بس استمتعت بيه وبتمنى الناس تشوفه
    لانه فعلا يستحق

    تحياتى لك

    By Blogger حنيــــــن, at Thursday, December 06, 2007 10:37:00 PM  

  • moony

    قبل اى حاجه ازيك ؟
    :)
    يارب تكونى بخير
    شوفى يا ستى
    انا فى اكتر من مشهد ماقدرتش ابص وغمضت عينى
    بس بصراحه كانت فى مشاهد التعذيب والعنف
    انا مش عاوزه احرق الفيلم علشان لو حد هايشوفه
    والا كنت هاتكلم عنه اكتر من كده
    الفيلم ده فيه شوية مشاهد عنف وكمان زى ما قلتى مشاهد مش كويسه
    هو كان بيتعرض للستات فى الحبس
    وانا استغربت جدا من لبسهم اصل مش معقوله كل المسجونات اداب وكمان بالملابس الداخليه دى
    مش عارفه ايه الحكمه بس اللى حسيته انه بيقرب من مساحات الكبت بشكل كبير
    اما بخصوص صورة منه شلبى فاللى حصل ان حاتم ركب وشها على جسم واحده بالمايوه
    زى ما بقولك كلها تعبير عن الكبت والانحراف اللى بيعانى منه
    انا مش بدافع انا زيك بتدايق من المشاهد دى بس بوجه عام بقية الفيلم يستاهل يتشاف لانه فيه اكتر من جانب اتعرض له بشكل قوى اوى
    مش عاوزاكى تتدايقى بس انا الفيلم أثر فيا أوى

    بتسعدنى كلماتك وتعليقاتك الهاديه دايما
    اهلا بك كل الوقت
    منورانى
    :)

    By Blogger حنيــــــن, at Thursday, December 06, 2007 10:48:00 PM  

  • شيماءالجميله
    شفتى الفسح ؟
    قعدت يوم ونص مكتئبه بس برده بحب النوعيه دى من الافلام
    جريئه وبتتعرض لمشاكلنا بمشرط حاد بتصل للعمق

    عاوزين نروح فيلم سوا
    اختارى يلا
    :)

    By Blogger حنيــــــن, at Thursday, December 06, 2007 10:52:00 PM  

  • أنا مش بحب أشوف الأفلام اللي بتجيب اكتئاب دي
    بجد احنا مش ناقصين

    مع اني كنت ناوية أروحه بس شكلي كده مش هروح عشان كلامك عن الاكتئاب
    أو ممكن بأه لو حصلت حاجة في حياتي خليتني سعيدة اوي واقدر أستحمل
    هروح (:

    By Blogger دينا فهمي, at Saturday, December 15, 2007 6:26:00 PM  

Post a Comment

<< Home