حنيـــــــــن

Thursday, December 13, 2007

نظرات شارده



النبضات الأخيره هى ما كانت تحملها جنباته
قبل أن يهمس بآخر الكلمات
لفظها وغادر عالمنا الى حيث لن يعد
خمس سنوات مرت على رحيله
كأنه الامس
مازلت أنتظره كلما حدث جديد
لحظة وضع أخى يده فى يده
تمنيتها يده
.
.
.
أبى


مرت شهور طويله
ومازلت أردد نفس الكلمات
ومازالت تتمسك بما تراه حبا له
تنتظره
رغم كل ما يفعل معها
أتعجب لحالنا
عندما ينبض القلب
وان كان تحت جهاز التنفس الصناعى
يهمس كياننا كله باسم المحبوب
وحبه
رغم ذلك مازلت أردد لها بعض الكلمات
علها تصحو من غيبوبتها
.
.
.
صديقتى


افتقدتها
كما أفتقد ابنتى التى لم أنجبها بعد
أتسلل كل مساء
ألقى عليها نظرة حب لمن تحمل نبضات قلبى
أطمئن الى وجودها داخل أسوار عالمى
وأتسلل وأمضى
.
.
.
مدونتى


ثمان سنوات هى عمر جيرتنا
وامتدت بعدها لخمس سنوات
لنتم أعوام صداقتنا العديده
خيوط من حرير ربطتنا سويا
كنا فى جيرتنا نمضى معا معظم الوقت
نفترق لنتلقى فى الغد
بحكايات جديده
وحوارات فضفضة القلب المعبى
وأصابها المرض الخبيث
لتحاربه خمس سنوات كامله
وتنتهى المعركه
لصالحه


كما يفعل معى دوما

ويسلبنى أغلى الناس
.
.
.
صديقتى الحبيبه


أحبها
وأتعذب لحالنا وحالها
أتابع انهيارنا برعب صامت
ولست أدرى ماذا أفعل
لم يعد يجدى أى حوارات
أو تدخلات
ولا أعلم الى أين سننتهى
.
.
.
بلدنا



عدت بعد غياب طويل
لأجد ولا أجد الكثير
أفتقد كل من صادفت وحاكيت
ومازالت خطواتى تتعثر
وقلمى يرتجف بين اصابعى المهتزه
بداخلى طوفان من المشاعر
يريد ان يندفع بشده
ولا أدرى لماذا يقابله سور عالى
لا يسمح الا بمرور سرسوب ضعيف
.
.
.




الضحك شكل البكا خالص

تلامذه وفصول ومدارس

يا مانجه ليه طارحه فى مارس

.

.

.

وجيه عزيز

22 Comments:

  • أسلوب الفقرات اللي جمعتي فيها كلمات مختزلة رائعة عمن تريدين الحديث عنهم أكثر من رائع
    .................................

    أخبرت (أوما) أن الأحباء لا يرحلون هم فقط يتحولون لأطياف نورانية لا تستطيع عيون البشر أن تراهم .. فقط نستطيع رؤيتهم والتفاعل معهم بقلوبنا


    ومن يُدريك أنه لم يكن موجود لحظة أن وضع أخيكي يده في يد حبيبك وبارك ارتباطكم.. فقط أؤمني بوجوده وتلمسيه في ليل الحنين ستجدينه

    _____________________________

    الأمل هو ما يجعلنا نتمسك بالأنفاس الضعيفة وبالنبضات العليلة تحت أجهزة المستشفيات علّ المعجزة تحدث وتعود الحياة لهذا الجسد من جديد

    ____________________________

    ابنتك الحبيبة _مدونتك_ تنتظر زيارتك لها كل يوم

    ___________________________

    هو لم يسلبك أغلى الناس هو فقط حولهم لأطياف أخرى... فقط حولهم من حالة لأخرى


    :) محبتي وقبلاتي

    By Blogger تسـنيم, at Friday, December 14, 2007 1:45:00 PM  

  • الرقيقه تسنيم

    اطياف نورانيه
    جبتى التعبير ده منين
    انا كتير بحسه معايا
    بلمحه جنبى
    بحس بوجوده فى الاماكن اللى كان بيحبها
    حاجات كتيره اوى
    وكلها كانت جميله لما كان معانا

    تسنيم
    الحياه عندما تسلب لا تعود مرة اخرى

    تحياتى لقلبك الجميل

    By Blogger حنيــــــن, at Friday, December 14, 2007 11:39:00 PM  

  • صورة البوست موجعه اوى

    By Blogger شيمـــــاء, at Saturday, December 15, 2007 12:17:00 PM  

  • طيب...
    اعتقد اننا نشعر احيانا بالذنب لاننا نستمر فى الحياة...بعد فقدان الاحباء..فقط..يواسينا اننا نذكرهم كل لحظة..ونترحم عليهم فى كل ذكر..

    اشعر بك...
    وان كانت الصلة مختلفة..


    دائما من هم بخارج الاطار يروون الصورة اوضح..ابقى على كلماتك..ربما


    المدونة...البست افضل الاشياء اللتى يمكن ان يتصادف وجودها فى الحياة لتتحول من مصادفة...الى..ابنة


    بلدنا...احبها انا ايضا...ليحفظها الله لنا..ومنا


    تحايلى على السور...

    قبلاتى..ومحبتى

    By Blogger dandana, at Saturday, December 15, 2007 3:39:00 PM  

  • أنا لسه ما قريتش الكلام بس مش قادرة استنى
    ياااااااااااااه يا بنتي
    أنا من زمان كنت فقدت الأمل في إنك ترجعي تاني

    أنا غيرت لينك مدونتي واسمي عشان كده ممكن ماتعرفينيش
    لو تفتكري
    أنا دينا فهمي
    ومدونتي كان اسمها بالعربي الفصيح

    هقرا بأه وارجع لك تاني (:

    By Blogger امرأة تقول الذي لا يقال, at Saturday, December 15, 2007 6:18:00 PM  

  • مش عارفة ليه لما قريت البوست
    حسيت اوي بأننا فعلا أدمننا الحزن

    By Blogger امرأة تقول الذي لا يقال, at Saturday, December 15, 2007 6:23:00 PM  

  • دائماً رائعة
    فاكرة اول تعليق كتبته عندك كان فى بوست اسمه( العيد فرحة) انا رحت نسخته وهاطبعه هنا تانى

    (على فكرة ضحتك جميلة اوى
    هى فين من زمان
    ليكى بصمة فى الشجن جميلة

    ليكى نظرة حب حنينة اوى زى اسمك

    لكن اوعى تنسى ان ليكى عمر جميل لازم تقضيه فى افضل ما يكون عليه الحب والحنان والضحك

    اى انسان بيمر عليه الماضى فى ذاكرته والحاضر اللى هو بيعيشه والمستقبل اللى بيحلم بيه

    الماضى اذا كان سعيد وفيه ضحك وضفاير وحضن بابا فده اجمل ماضى يحلم به الانسان اذا كان حنين

    الحاضر اللى بيعيشه الانسان معتمد على ماضيه قد تكون محصلة ما مضى او قد تكون حدث خاطف لكن معه ايضاً محصلة ما مضى ولذلك فهو معتمداً على ما مضى بشكل او بأخر وياريت محصلة كل انسان يكون فيها حنين

    المستقبل حصاد الماضى والحاضر ومادام الماضى حنين ياريت نخللى الحاضر كمان حنين علشان مستقبلنا يكون حنين وحب وجميل ذى احساسك
    )
    وده كان اخر التعليق

    ياترى رد فعلك المرة ده ذى اول مرة اتكتب فيها التعليق
    ياترى احنا بقينا بنتغير بمعدل اسرع من الاحداث ولا الاحداث بقى منسوبها اعلى من طاقتنا

    لكم افتقدت هذه المدونة كثيراً

    والسلام

    By Blogger cast2way, at Sunday, December 16, 2007 1:19:00 PM  

  • كل سنة وانتى طيبة يا حنين

    عيدك سعيد ومليان خير ان شاء الله

    By Blogger dandana, at Monday, December 17, 2007 2:46:00 PM  

  • احساسك جميل جدا بيدل على اخلاص عميق نابع من داخلك واسلوب الفقرات رائع ربنا يوفك

    By Blogger العراف, at Monday, December 17, 2007 7:49:00 PM  

  • حنين
    ممكن تكتبي لنا (مريدو و مرتادو) مدونتك ايه اللي حصل في الفترة ما بين 23 مارس و 30 اكتوبر 2007 (فترة غيابك عن المدونة)!! الحقيقة منذ عودتك و كتاباتك اكثر نضجا و تماسكا و تحديدا.و كمان نهي قفلت كراكيبها شوية و رجعت ما شاء الله في كامل لياقتها!هو ايه اللي بيحصل ؟ ما هو يا اما بتاخدوا منشطات! يا اما مصر- بمافيهامدوناتكم- فعلا بتتقدم بيكم علي رأي جماعة الحزن الوطني! يا اما بقي العيب كان فيا انا و انا اللي كنت مبوظ البلد و اني من ساعة ما سبتها و طفشت أهي مصر بتتقدم و المدونات بتتحسن.
    كل سنة و انت طيبة

    By Anonymous علي, at Sunday, December 23, 2007 1:56:00 AM  

  • حنين
    انا بكيت المرة دي كمان من كلامك
    بس دي اكتر مرة بقولك فيها وانا مصدقه اوي ان بكرة احلى
    واجمل لحظات عمرنا جايه مكسوفة وخلجانة من انها اتاخرت جايه بتجرر سعادة وبهجة العمر كله
    وكل اللي غابوا حاسين بينا مش كده حاسين يا حنين


    ممكن ارد على علي هنا واقوله منور عندنا دايما بطيفك السحري ووحشتنا جدا

    By Blogger كراكيب نـهـى مـحمود, at Sunday, December 23, 2007 5:01:00 AM  

  • شيماء

    بقى لى فتره عاوزه انزل بوست صوره بس
    من غير اى تعليق
    فيه صور كتيره لا محتاجه كلام يتقال ولا منتظره تعليق

    By Blogger حنيــــــن, at Sunday, December 23, 2007 10:21:00 PM  

  • dandana
    اعتقد اننا نشعر احيانا بالذنب لاننا نستمر فى الحياة...بعد فقدان الاحباء
    معك كل الحق
    لطالما عاتبت نفسى على انفاسى التى تمر رغما عنى وتمدنى بحياه فقدت الكتير من معناها بغيابه
    ولكنى احمد الله اننى تخطيتها رغم اننى احيانا كثيره ما اضبط نفسى انتظر رجوعه الذى طال
    هاحاول اتحايل على حاجات كتيره
    :))
    تحياتى ومحبتى

    By Blogger حنيــــــن, at Sunday, December 23, 2007 10:22:00 PM  

  • امرأة تقول الذي لا يقال
    دينا حد يعمل كده
    للاسف ماعرفتكيش بس شدنى جدا كلامك وتعليقك وحسيت انك حد محترم اوى
    عقله كبير لازم اقراله
    واتبسطت اوى لما عرفت انه انتى
    وحشتينى
    انا صحيح غبت كتير ويمكن اغيب تانى
    بس مش ممكن طول ما انا عايشه انى اختفى من هنا
    محدش بيسيب بيته مهجور ابدا
    ويا ستى حقك عليا فى نوبة الشجن دى

    By Blogger حنيــــــن, at Sunday, December 23, 2007 10:22:00 PM  

  • cast2way
    اولا بشكرك انى خليتنى ارجع اقرا البوست ده
    وكام بوست فى الفتره دى
    واستمتعت اوى باحساسى اللى كان
    واستمتعت ببصمتى اللى لمحتها انت فى الشجن
    الحقيقه تاثرى بتعليقك اختلف عن قراءتى الاولى له
    طبعا احنا بنتغير
    واظن ان الاتنين بيحركونا
    الاحداث بقت سريعه اوى
    وتغيرنا بقى بفوران غريب
    دايما بتحرك المياه الراكده بتفكيرك العميق
    بجد اسعدتنى بمرورك الهادى
    ولك كل التحيه

    By Blogger حنيــــــن, at Sunday, December 23, 2007 10:23:00 PM  

  • dandana
    وانتى طيبه وسعيده وبكل الخير يا رب دايما
    انا بعتذر عن تأخرى فى رد المعايده بس كنت تعبانه فى العيد
    :)
    بس اول ما اتحسنت جريت على هنا على طول
    العمر كله وانتى بخير يا رب

    By Blogger حنيــــــن, at Sunday, December 23, 2007 10:23:00 PM  

  • العراف
    شكرا لك يا عراف ولك منى كل التحيه لكلماتك الرقيقه

    By Blogger حنيــــــن, at Sunday, December 23, 2007 10:24:00 PM  

  • العراف
    شكرا لك يا عراف ولك منى كل التحيه لكلماتك الرقيقه

    By Blogger حنيــــــن, at Sunday, December 23, 2007 10:24:00 PM  

  • العراف
    شكرا لك يا عراف ولك منى كل التحيه لكلماتك الرقيقه

    By Blogger حنيــــــن, at Sunday, December 23, 2007 10:24:00 PM  

  • علي
    الصديق الغائب الحاضر دوما
    كده تنط من المركب يا على وتطفش ؟
    ليه بس كده
    انا لسه شايفه وبشوف وهافضل اشوف ان البلد دى احسن من غيرها
    اما عنى انا
    فانا ركبت مركب الحياه
    وابحرت بعيد شويه عن الشاطئ اللى كنت واقفه عنده لفتره من الوقت
    واخدتنى المركب لحتت جميله
    وعوضتنى كتير عن ايام وحيده حزينه
    ده اللى حصل لى من 23 مارس لحد النهارده
    :)))
    انا سعيده كعادتى دوما بتعليقك ورأيك فى كتاباتى
    حتى لما كنت بتنتقدنى وبشده كمان
    كنت بحترم جدا وبقدر انتقادك ده
    ولك كل الفضل فى التغير اللى انت شايفه
    بس بجد انا مش باخد اى منشطات
    يمكن نهى الله اعلم
    :)))))
    اتمنى انك تطمنا عليك
    وترجع بالسلامه عن قريب
    وتفضل دايما منور مدوناتنا بتعليقاتك المتميزه
    وكل سنه وانت طيب وبكل الخير والصحه يا رب
    لك كل التحيه

    By Blogger حنيــــــن, at Sunday, December 23, 2007 10:25:00 PM  

  • نـهـى مـحمود
    انا بس هاسال سؤال
    ياترى " كعادتك " ضحكتى وانتى بتبكى ولا كنتى مركزه فى البكا ؟
    انتى عارفه انا بحب لما نعيط نعيط
    لكن الكلام الفاضى بتاعك تضحكى فى وسط العياط ده ما يحسبش
    شوفى يا نونا
    بكره لازم يبقى احسن
    وهو فعلا احسن
    رغم كل اللى بيمر علينا من لحظات صعبه لكنها برده احسن من امبارح بكتير
    انها النار اللى بتنضج عقولنا وتصقل خبراتنا
    وافتقادنا لكل اللى غابوا هايفضل مشتعل
    وهانفضل نفتقدهم لانهم يستحقووا مننا ده
    وطبعا يا نهى حاسين بينا
    ويمكن ده اللى بيغذى نار افتقادنا لهم
    طيفهم اللى بيمر علينا فى حلم جميل
    ايدهم وهى بتربت على كتفنا لو نمنا ودموعنا فى عنينا
    الشباك اللى بيفتح فجاه على فرج غريب ما نعرفش جه مننين
    وبنحس انها دعوه منهم كانت مستنيه اللحظه المناسبه
    ياااااه يا نهى
    وحشونى اوى
    بابا
    مامتك
    صاحبتى وجارتى الجميله
    تانت صديقتنا اللى ياما لعبنا مع اولادها واحنا صغيرين
    جدتى بابتسامتها الطيبه
    وناس كتيره حصدهم المرض اللعين
    كله قضاء ربنا انا عارفه ومؤمنه
    بس وحشونى اوى
    ربنا يرحمهم ويغفر لهم
    نهى وحشتينى اوى

    By Blogger حنيــــــن, at Sunday, December 23, 2007 10:26:00 PM  

  • By Anonymous Anonymous, at Tuesday, March 10, 2009 5:12:00 PM  

Post a Comment

Links to this post:

Create a Link

<< Home