حنيـــــــــن

Sunday, December 23, 2007

حبة القلب



الفيش ... سمكتها الجميله
البوبى ... الكلب
البمبو ... البمبون
توتته ... تورتة عيد ميلادها
كُله كُله ... لما بتخلص أكلها

سنة كامله مرت على عامها الاول
وأتمت سنتان
شمعتان أضأناهم وأطفأتهم
مازالت تحتل كل مساحات الحب فى القلب
ضحكتها تبدد كل غيوم الهم

كلماتها القليله المتعثره أصبحت لغتنا الجديده
عجلتها الصغيره وعربتها بألحانها الصاخبه
أذوب معها حبا
أسنانها البيضاء
عضتها الجامده
أحبها كما لم أمارس الحب من قبل
ومازلت أحبنى لانى أحبها
ولا أعلم كيف كانت ستبدو الدنيا ان لم تنيرها بقدومها

لم أتوقف عن حملى لها طوال اليوم
دوما ما كنت أرى أن الحضن الدافئ هو أمتع احساس للحب
ولا أدرى ان كنت أحتضنها أم أخفيها فى قلبى

كبرت حبيبتى
ابنة أخى
ومازالت تلك اللمعة فى عينيها
بريق يجمع بين الذكاء والشقاوه
أتمنى أن أراها أسعد الناس
فرحة القلب

7 Comments:

  • كل وعام وهي بخير
    وبارك الله فيها
    وجعلها منبع للاشعاع الدفء في الجو الاسري

    By Blogger مـحـمـد مـفـيـد, at Monday, December 24, 2007 10:02:00 AM  

  • ربنا يخليها لك وكل سنة وهيا وانتوا والامة الاسلامية بخير وسعادة

    واتمني من الله ان يبارك لك فيها ويجعلها من عباده الصالحين
    واخيرا احب ان ازف لك تهنئتي الحارة علي امتلاكك مدونة كهذة المدونة لها طابع خاص
    اكيد مش غريب علي ذوق صاحبتها
    واتمني ان اتشرف وتتشرف مدونتي المتواضعة بزيارتك المشرفة
    وارائك الهادفة
    وشكرا

    By Blogger Abd-Alrahman, at Tuesday, December 25, 2007 11:16:00 AM  

  • يااااااااه
    ما شاء الله
    سنة بحالها عدت بسرعة فعلا
    أنا فاكرة في بدايات لما كنت بدخل مدونتك قرأت البوست بتاع عيد ميلادها اللي فات

    كل سنة وهي طيبة وسعيدة وذكية (:
    وكل سنة وانتو معاها

    By Blogger دينا فهمي, at Tuesday, December 25, 2007 1:05:00 PM  

  • محمد مفيد

    آمين ولك أيضا كل الامانى الطيبه لولديك بالصحه والسعاده الدائمه

    تحياتى وكل عام وانت بخير

    By Blogger حنيــــــن, at Tuesday, December 25, 2007 10:23:00 PM  

  • dr-online

    وانت دايما طيب
    بشكرك على كلماتك الرقيقه ده من ذوقك طبعا
    وطبعا تصفحت مدونتك من اول بوست بس لسه ما انتهيتش يا دكتور

    اتمنى ان تمهلنى بعض الوقت
    وتحياتى

    By Blogger حنيــــــن, at Tuesday, December 25, 2007 10:26:00 PM  

  • دينا الجميله التى تقول ما لا يقال
    :)))

    شفتى الايام والشهور بتعدى بسرعه ازاى
    بقى لى سنتين عمتو
    صحيح ما سمعتهاش منها بس الاحساس نفسه مالوش حل

    عقبالك تبقى عمتو وخالتو وماما يارب
    :)

    By Blogger حنيــــــن, at Tuesday, December 25, 2007 10:28:00 PM  

  • عارفة انى وحشة
    ونسيت اقولها كل سنة وهى طيبة
    ربنا يفرحها و يفرحنا بيكى

    By Blogger شيمـــــاء, at Wednesday, December 26, 2007 3:08:00 PM  

Post a Comment

<< Home