حنيـــــــــن

Thursday, November 08, 2007

!!! ... وقلة حيلتى




انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

بيقولوا عماد الكبير خد حقه ... وكلام كبير
ومش شايفه غير صياح وعويل
انتصار ايه وخيبة ايه
وهما 3 سنين حبس ... وبيقولوا مافيش عزل

وده حكم يعمل ايه ولا يداوى ايه

"الجزاء من جنس العمل"

تفتكروا لو كان الحكم ان عماد
يعمل من جنس العمل اللى اتعمل له
فى الظابط اللى عمل له
ويتشهر زيه

وتبقى له سيديهات فى كل مكان
ويتفضح كده زيه
مش كان يبقى الحكم أعدل وأحكم؟

تفتكروا كان هايطلع بكره اسلام تانى ؟
ولا هانلاقى عماد مكسور فى يوم ؟
ولا هايبقى فيه ظالم ولا مظلوم ؟

هما البنى آدمين راحوا فين
سابوا الدنيا للحيوانات ليه
وآل بيقولوا الوحوش بنتقرض خلاص
اومال اللى حوالينا دول يبقوا ايه
!!!

20 Comments:

  • لا ده ولسه النقض كمان ممكن ينزل بيهم لسنه ولا سته اشهر

    By Blogger محمد عبد الغفار, at Thursday, November 08, 2007 1:03:00 PM  

  • حنين انتي في مصر
    تلك التي تنجب كل يوم اسلاك نبيه جديد

    By Blogger كراكيب نـهـى مـحمود, at Thursday, November 08, 2007 1:40:00 PM  

  • زى ما فيه اسلاك نبيه
    فيه حد زى القضاة المحترمين فى البلد

    العيب مش فى البلد
    العيب فينا احنا


    العيب فى الناس . خوفهم و تخاذلهم
    بيخلق مليون اسلام نبيه و غيره

    لو كل واحد عارف ومتأكده ان رزقه و عمره و لقمته ولقمة ولاده بأيد ربنا سبحانه و تعالى مهما حصل

    عمره ما هيخاف من الظلم

    العيب مش فى البلد ، العيب فى البنى ادمين

    و مش متفقه مع كلام كراكيب

    By Blogger شيمـــــاء, at Friday, November 09, 2007 11:54:00 AM  

  • فعلاً يا حنين

    الناس اصبح عنها تبلد عجيب
    معدتش بتتألم
    معدتش بتحس بألم الأخرين

    ديما أسال هو السبب أيه ألى وصلنا لكده

    و فكرى يودينى لنظريه المؤمره و أقع فى حيص بيص و مطلعش بنتيجه فى الأخر غير

    فعلاً بقينا وحوش

    حساسه و أنسانه ديما حنين

    By Blogger فى القلب, at Saturday, November 10, 2007 10:41:00 AM  


  • حلوة الرباعيات الحديثة دى
    بس عادى يعنى الحكم سابقة خطيرة فى تاريخ القضاء والقدر المصرى وكذلك تاريخ جهاز المشرطة والقايمة طويلة
    والناس اللى عايزة حقها كتير

    By Blogger adhm, at Saturday, November 10, 2007 4:11:00 PM  

  • بالمناسبة
    ويلكم باك

    By Blogger adhm, at Saturday, November 10, 2007 4:12:00 PM  

  • mohamed a. ghaffar

    مكنتش ابدا متفائله بالحكم اللى زى ما قلت ياريت ينتهى على كده
    ده وارد جدا انه يتخفف لاقصى درجه

    اللى اتعجبتله فعلا انى قرات ان القاضى استعمل الرأفه مع المتهمين لصغر سنهم وقلة خبرتهم
    !!!!!!!!!!!!!

    لما فى السن ده وبالخبره القليله دى زى ما بيقول وعملوا جريمه بالبشاعه والعنف واللانسانيه دى
    اومال لما يبقى حاجه كبيره كده وتفرح وخبرته تتقدم هايعمل ايه فى الناس

    انا كان نفسى يخضع لعلاج نفسى
    كنت احس ان فيه أمل فينا

    اهلا بيك فى مدونتى المتواضعه وتحياتى

    By Blogger حنيــــــن, at Saturday, November 10, 2007 8:06:00 PM  

  • كراكيب الجميله
    وشيماء الغاليه


    رغم ان شيماء مختلفه معاكى
    لكن انا شايفه انكم انتوا الاتنين بتقولوا الواقع

    هى مصر بقت فعلا بتفرز اخلاقيات بشعه كل يوم
    ومفردات كلام الشارع بقى مقزز
    والافرازات دى بتنتشر بشكل غريب جدا
    وما بقتش بتميز بين طبقه واخرى

    مشاكلنا كترت اوى
    بين مخدرات لجرائم اخلاقيه لانحرافات سلوكيه وتجاوزات فى كل المجالات
    باختصار
    فســـــــــــــــــــــــــاد

    شيماء فيه حاجات بترجع لينا فعلا
    واحنا مسؤولين عنها
    بس فيه ملايين الحاجات مفروضه علينا ومش عارفين لا نغيرها ولا ينفع نقبلها

    يعنى ما هو عماد اهو
    ماخافش او خاف
    واتحدى وواجه بطش وعنف اسلام وفريقه
    ووصل للقضاء وعرض قضيته
    حصل ايه ؟

    بذمتك ده حكم عادل !!!!!!!!!؟
    تفتكرى هو كده اخد حقه ؟
    هل هايقدر يرجع انسان طبيعى زى ماقبل الحادثه؟
    انسان حياته اتدمرت واتفضح ووووو

    ليه وعلشان ايه وباى حق انسان يؤذى انسان زيه بالبشاعه دى !!!!!!!؟

    دور الدوله الوقوف بيد من حديد على اى تجاوزات
    مش تكون هى نفسها مصدر التجاوزات دى

    ودورنا احنا اننا نبقى ايجابيين مع مشاكلنا ونواجه المتغيرات اللى بتستجد علينا

    وفى الاخر انتوا الاتنين وحشتونى اوى

    By Blogger حنيــــــن, at Saturday, November 10, 2007 8:18:00 PM  

  • فى القلب

    "معدتش بتحس بالالم الاخرين"

    معاك حق

    دايما كنت بقف عند الرباعيه الجميله دى
    واتعجب فعلا من البنى ادمين اللى فقدوا آدميتهم
    وبيقدروا يتحملوا صرخات ألم تعذيبهم لحد أضعف من انه يواجهه راجل لراجل

    احنا اتغيرنا اوى
    اسهل واسرع وسيلة تفاهم بقت ان حد يطلع مطوا ويضرب اللى ادامه طعنه قاتله
    مش فى ايده او رجله
    لااااااا
    ضربة موت
    ومابقاش حد بيعمل حساب انه فيه حساب
    لا فى الدنيا ولا فى الاخره

    وانا معاكى فى نظرية المؤامره
    انا برده مقتنعه بيها جدا
    لان مش ممكن يكون فيه حد مسؤول بيحب البلد دى وخايف عليها وعنده انتماء ويتصرف بالشكل اللى مضيعنا ده

    وفى الاخر برده مش بطلع بنتيجه
    لان تغيير الحال اصعب من المحال

    بحب اسمك اوى
    وبسعد لما بشوفه فى تعليق عندى
    :)

    By Blogger حنيــــــن, at Saturday, November 10, 2007 8:27:00 PM  

  • adhm

    الحكم سابقة خطيره والجريمه مش أقل خطوره برده

    واحنا دايما متعودين على البدايات شبه القويه والنهايات اللى بتنتهى بنهاية البدايات تماما

    يعنى اتمنى ما يكونش الحكم ده سابقه لن تتكرر فى تاريخ القضاء
    رغم اعتراضى على الحكم برده


    وبالمناسبه شكرا ليك
    :)
    حياتى

    By Blogger حنيــــــن, at Saturday, November 10, 2007 8:31:00 PM  

  • يا أهل مدينتنا.. يا أهل مدينتنا..
    هذا قولي: انفجروا أو موتوا..
    رعبُ أكبر من هذا سوف يجيء..
    لن ينجيكم أن تعتصموا منه بأعالي جبل الصمت..
    أو ببطون الغابات..
    لن ينجيكم أن تختبئوا في حجراتكم أو تحت وسائدكم..
    لن ينجيكم أن تلتصقوا بالجدران إلي أن يصبح كل منكم..
    ظلا مشبوحا عانق ظلا.. لن ينجيكم أن ترتدوا أطفالا..
    لن ينجيكم أن تقصر هاماتكم حتي تلتصقوا بالأرض..
    أو أن تنكمشوا حتي يدخل أحدكم في سن الإبرة..
    لن ينجيكم أن تضعوا أقنعة القردة..
    لن ينجيكم أن تندمجوا أو تندغموا حتي تتكون من أجسامكم المرتعدة..
    كومة قاذورات..
    انفجروا أو موتوا..

    صلاح عبد الصبور


    الحقي يا حنين في واحد تاني ثورجي زيك
    اهو! بس خللي بالك انتي كدة بتعلقي علي احكام
    اللي اسمه ايه و دي تهمة معتبرة لوتعلمين!! يعني ممكن يقفشوكي و انتي عارفة بقي سلومة الاقرع ما بعرفش ابوه!
    عارفة انا مبسوط اوي انك رجعتي تكتبي تاني و مبسوط اكتر ان مدونات العهد الجديد فيهااهتمام بالشأن العام اكبر من مدونات العهد القديم اللي كانت ذاتية اكتر
    عود احمد

    By Anonymous Anonymous, at Sunday, November 11, 2007 10:14:00 AM  

  • يبقى اكيد انتو فى مصر

    تحياتى ليكي يا حنين ياقمر
    وبجد مدونتك كل يوم عن يوم بيبقى ليها طعم احلى

    احييكي بجد

    By Blogger حبة حاجات (ايمان), at Tuesday, November 13, 2007 2:02:00 PM  

  • على

    لست أعلم بالظبط كم مره قرأت تلك الكلمات لصلاح عبد الصبور
    استمتعت بها بالطبع واعجبتنى بشده واشكرك على امتاعى بها
    :)

    وياعلى يا ثورجى هما لو قفشونى هاعترف من أول قلم وهاقول على كل حاجه
    فياريت تلحق تعمل احتياطاتك
    مش انت اللى حرضتنى
    :)))

    انا كمان مبسوطه اوى انى رجعت تانى ومبسوطه اكتر بوجودك ومشاركاتك الجميله
    وبحاول استفيد من نصيحة صديق قديم بانى اخرج من الكتابات الذاتيه وأهتم بالشأن العام

    متشكره تانى على كلماتك الجميله واهلا بك دايما
    تحياتى

    By Blogger حنيــــــن, at Wednesday, November 14, 2007 10:51:00 PM  

  • حبة حاجات (ايمان

    ايوه يا ايمان فى مصر ام الدنيا
    او كما يحلو لنا دوما ان نتغنى

    منورانى و مدونتى ليها طعم بالناس الجميله اللى بتمر عليها بنسمات رقيقه
    :)
    تحياتى لك

    By Blogger حنيــــــن, at Wednesday, November 14, 2007 10:54:00 PM  

  • هيبقو مغ وقف التنفيذ ولو اتحبس هيخرج حسن سير وسلوك

    By Blogger allfollowsome, at Friday, November 16, 2007 2:18:00 PM  

  • الجزاء من جنس العمل

    تبقى الدنيا غابه

    شوفى
    الفساد موجود فى كل الدنيا و بنسب متفاوته حسب المجتمع و قوانينه
    كل اللى نقدر عليه دلوقت
    فضع تلك الممارسات البغيضه
    و الحرص على معاقبتها
    أعلاميا على الاقل

    By Blogger fawest, at Friday, November 16, 2007 8:32:00 PM  

  • taher

    ده احتمال وارد جدا خصوصا مع استعمال الرأفه فى الحكم اللى اصدرته المحكمه
    بس جميله حسن سير وسلوك دى
    تحياتى

    By Blogger حنيــــــن, at Sunday, November 18, 2007 9:57:00 AM  

  • fawest

    طبعا معاك حق
    وتبقى الدنيا غابه
    بس انا قلت " لو كان الحكم " انه ...
    اقصد انه يكون حكم المحكمه ان يا عماد خد حقك منه
    فاهم قصدى ايه ؟

    الفساد موجود فى كل الدنيا بس مش زى ما هو متفشى عندنا
    ولا بالقبح ده
    بقى بجد لا يحتمل

    تحياتى

    By Blogger حنيــــــن, at Sunday, November 18, 2007 10:02:00 AM  

  • أولا أهلا وسهلا برجوعك للكتابة في المدونة
    ثانيا الرباعية دي بتلح جوايا من ساعة ما موضوعات التعذيب انتشرت

    الحكم طبعا كان صدمة
    مش كافي من وجهة نظري
    لكنه بداية مشجعة
    واهو بعدها بأسبوعين تلاتة اتحكم على الظابط بتاع المنصورة
    يعني فعلا دي بداية
    أرجو إنها تستمر

    تحياتي

    By Blogger عمرو إبراهيم, at Friday, November 30, 2007 1:03:00 AM  

  • amr ibrahim

    اهلا وسهلا بك انت وبجد نورت واحتى الصغيره الهادئه كما اتمنى دوما

    فى وسط الضلمه بنشوف لهب الشمعه ضوء بينور حوالينا
    رغم انه مش كافى لكنه ضوء
    انا اتصدمت جدا من الحكم المخفف ده
    وسعدت بالحكم التانى وحسيت بارتياح اهل الضحيه ونارهم اللى شويه هديت
    وبتمنى مايكونش فيه حالات تانيه اكتر من كده

    بجد منورنى يا عمرو
    تحياتى

    By Blogger حنيــــــن, at Friday, November 30, 2007 10:24:00 PM  

Post a Comment

<< Home